Цэтлік // Навіны

«Што такое пілігрымка?» – такім пытаннем задаюцца многія. Напэўна, кожны б адказаў па-рознаму. Вырушаючы ў шлях, пілігрым мае сваю мэту. Навошта ўдзельнікі ДМХ «Адзіныя сэрцам» пераадолелі шлях у 185 кіламетраў?

Гарачы чэрвеньскі дзень. Сярод палявых дарог імчацца дзевяць веласіпедыстаў – моладзь з ДМХ “Адзіныя сэрцам” са сваімі душпастырамі. Кожны вязе сваю інтэнцыю да Маці Божай Будслаўскай, моляцца за хворых і медыкаў, за парафію і ўсю краіну, а таксама за пешую пілігрымку Мінск-Будслаў, якая адбудзецца ў наступным годзе.

Ад 13 чэрвеня падтрымаць дзейнасць парафіі і будаўніцтва новага касцёла стала прасцей. Цяпер гэта можна зрабіць не выходзячы з дома. На сайце Jan.by у раздзеле “Ахвяраванне”, а таксама ўнізе кожнай старонкі сайта з’явілася форма ахвяравання, у якой можна вызначыць суму і пералічыць яе праз банкаўскую картку. Пры гэтым непасрэдна сайт Jan.by НЕ запытвае даных карткі, усе аперацыі адбываюцца на бяспечным сэрверы сістэмы плацяжоў Art-Pay.

З гэтай нагоды ў панядзелак 1 чэрвеня ўдзельнікі руху сабраліся на святой Імшы дзякаваць Богу за мінулы год.

21-га мая ксёндз Уладзімір Марушэўскі SChr адзначае 7-ю гадавіну святарскага пасвячэння. Парафіяне цяпер не могуць асабіста павіншаваць святара, таму прыдумалі арыгінальны спосаб, каб разам сказаць яму «дзякуй».

У сувязі з тым, што пандэмія каранавіруса наклала абмежаванні на правядзенне заняткаў катэхезы, дыяцэзіяльная Катехетычная Рада пры падтрымцы нашых іерархаў вырашыла выдаць серыю відэаролікаў у якасці дапаможных матэрыялаў для падрыхтоўкі да Першай Камуніі. Тэмай відэакатэхез сталі сакрамэнты. Стварэнне адной з іх, прысвечанай сакрамэнту пасвячэння, было даручана нашай парафіі. Аўтарамі ідэі, сцэнарыстамі і галоўнымі героямі роліка сталі сястра Кляра Волчак CSFN і кс. Уладзімір Марушэўскі SChr. У стужцы такасма зняліся многія нашыя парафіяне — як дарослыя, так і дзеці.

Ужо больш месяца цэлебрацыі нядзельнай святой Імшы адбываюцца звонку капліцы. 10 мая адбылася святая Імша з удзелам скаўтаў і скаўтак нашай парафіі, Мінска і, дзякуючы анлайн трансляцыі, усёй Беларусі.

Каб парафія магла выконваць сваю місію, яна павінна быць супольнасцю меншых супольнасцяў, так званых парафіяльных групаў. Гэтыя супольнасці з'яўляюцца сапраўднай праявай касцёльнай камуніі і асяродкамі евангелізацыі, якія дзейнічаюць у лучнасці са сваімі пастырамі. У нашай парафіі ўжо існуюць і паўстаюць новыя такія групы як для дзяцей і моладзі, так і для мужчын, жанчын, а таксама сужэнстваў. Знаёмцеся, выбірайце адпаведную супольнасць для сябе, далучайцеся. У вас ёсць новыя прапановы — таксама чакаем. Ёсць месца для кожнага, хто прагне пазнаваць, любіць і наследаваць Езуса Хрыста ў трэцім тысячагоддзі.

У мінулую нядзелю Канферэнцыя Каталіцкіх Біскупаў Беларусі звярнулася да вернікаў з адпаведным лістом. «У гэтыя дні Касцёл святкуе Пасху — перамогу Езуса Хрыста над смерцю. Але святкаванне сёлета не такое, як звычайна: яно азмрочана падзеямі, звязанымі з сусветнай пандэміяй, — гаворыцца ў лісце. — Сотні тысяч людзей па ўсім свеце знаходзяцца ў шпіталях, дзе за іх жыццё змагаюцца медыкі — адданыя, але часта бездапаможныя перад абліччам бязлітаснай хваробы».

Першая ўрачыстая святая Імша ў Велікодную нядзелю традыцыйна распачалася працэсіяй з Найсвяцейшым Сакрамэнтам і фігурай ўваскрослага Хрыста. Гэта так званая рэзурэкцыя(ад лац. уваскрасенне).

Вялікая Субота - асаблівы дзень цішыні ўсяго Касцела, дзень які мае падрыхтаваць нас да радасці Змёртвыхпаўстання. Няправільна было б яго прысвяціць выключна для таго, каб схадзіць у касцёл асвяціць стравы на Велікодны стол. Гэта таксама добрая нагода для асаблівай малітвы перад гробам Збаўцы.

Мы ўсе прызвычаіліся да назвы «Вялікая пятніца», ведаем, што ў гэты дзень адбывацца, але калі ў апошні раз мы задумваліся над тым, што азначаюць гэтыя словы? У ангельскай мове гэты дзень называецца Good Friday, што перакладаецца як «добрая пятніца». Чаму Вялікую пятніцу назывюць добрай, калі гэта азначае дзень пакут і смерці Езуса?

У Вялікі чацвер Імшою Вячэры Пана пачынаецца Святы Пасхальны Трыдуум. З самой назвы бачна, што ў гэтай літургічнай цэлебрацыі ўспамінаецца Апошняя Вячэра, падчас якой Хрыстус устанавіў Сакрамэнты Эўхарыстыі і Святарства, даючы вучням наказ аб братняй любові.

5 красавіка – Вербная альбо Пальмовая нядзеля – дзень у якім мы ўспамінаем трыумфальны ўваход Езуса Хрыста ў Ерузалем. Як піша eвангеліст, людзі з натоўпу, якія віталі Хрыста, «слалі адзенне сваё на дарозе, а іншыя — галінкі, зрэзаныя на палях. І тыя, хто ішоў спераду і следам за Ім, усклікалі: Гасанна! Благаслаўлёны той, хто прыходзіць у Імя Пана» (Мк 11, 1–10).

5 красавіка меўся адбыцца традыцыйны Вербны кірмаш, мэта якога, як і ў мінулыя гады, — сабраць сродкі на будаўніцтва новай святыні. Але ў сувязі са складанымі эпідэміялагічнымі ўмовамі кірмаш быў адменены. Тым не менш, будаўніцтва трывае, а мы вырашылі даведацца, што зараз з ім: у якой яно стадыі, што зроблена, што засталося зрабіць? Дапамагаў нам у гэтым разабрацца наш пробашч кс. Алег Шпець SChr.

20-22 сакавіка ў парафіі праходзілі велікапосныя рэкалекцыі. Іх праводзіў кс. Юрый Пракапюк з Брэста.

Шаноўныя парафіяне! У гэты складаны час вельмі патрэбна сведчанне людзей веры. Гэта датычыць зносін паміж людзьмі, ў якіх неабходна праявіць цярплівасць і клопат пра другога чалавека. Але мы маем даць сведчанне таксама нашага даверу да Бога! Што гэта Ён адзіны лекар, які хоча вылечыць не толькі цела, але і душу! Запрашаем на супольную Эўхарыстыю, кожны дзень пн - пт 7.00 і 19.00, а таксама да адарацыі Найсвяцейшага Сакрамэнту кожны будні дзень а 18.00.

Ксёндз пробашч Алег Шпець SChr

Нагадваем, што адарацыя Найсвяцейшага Сакрамэнту таксама адбываецца кожную нядзелю пасля вечаровай святой Імшы.

Спасылкі па тэме:

• Чым ёсць адарацыя Найсвяцейшага Сакрамэнту?

29 лютага ў парафіі Унебаўзяцця Найсвяцейшай Панны Марыі і святога Станіслава ў Магілёве прайшла сустрэча моладзі на тэму «Як абараняць сваю веру». Па запрашэнні біскупскага вікарыя для горада Магілёва і Магілёўскай вобласці біскупа Аляксандра Яшэўскага SDB для маладых хрысціянаў яе правялі ксяндзы хрыстусоўцы з парафіі святога Яна Евангеліста і святога Максімільяна Кольбэ ў Мінску.

1 сакавіка ў Міждыяцэзіяльнай вышэйшай духоўнай семінарыі ў Гродне Генеральны вікарый Гродзенскай дыяцэзіі біскуп Юзаф Станеўскі ўдзяліў паслугу лектарату навучэнцу ІІІ курса Аляксандру Шыманскаму, які паходзіць з парафіі св. Яна Евангеліста і св. Максімільяна Кольбэ ў Мінску.