Цэтлік // Фота

«Гэта – Цела Маё, якое аддаецца за вас; Гэта келіх Новага Запавету ў Крыві Маёй, - кажа Пан. Чыніце гэта кожны раз, калі будзеце спажываць на ўспамін пра Мяне. »  (пар. 1 Кар 11, 24-25).

29 сакавіка – Пальмовая нядзеля – дзень у якім мы ўспамінаем трыумфальны ўваход Езуса Хрыста ў Ерузалем. Як піша eвангеліст, людзі з натоўпу, якія віталі Хрыста, «слалі адзенне сваё на дарозе, а іншыя — галінкі, зрэзаныя на палях. І тыя, хто ішоў спераду і следам за Ім, усклікалі: Гасанна! Благаслаўлёны той, хто прыходзіць у Імя Пана» (Мк 11, 1–10).

Папяльцовая серада — дзень, які распачынае перыяд Вялікага посту. Час пакаяння, у які ўступае Каталіцкі Касцёл ад сённяшняга дня, вернікі выкарыстоўваюць, каб праз малітву, удзел у пакутных набажэнствах і ўчынкі міласэрнасці падрыхтаваць свае сэрцы да самай галоўнай урачыстасці літургічнага года — Уваскрасення Пана.

Mіністранты і лектары Літургічнай службы алтара нашай парафіі прынялі ўдзел у кібертурніры па гульні FIFA, які адбыўся ў Хрысціянскім сацыяльным цэнтры ў Мінску.

24 студзеня каманда Jan.by сабралася з нагоды літургічнага ўспаміну святога Францішка Сальскага, апекуна каталіцкай прэсы.

Нядзеля, 18 студзеня, стала для нашай парафіяльнай супольнасці днём асаблівага святла. У дольным касцёле Маці Божай Будслаўскай прайшоў доўгачаканы дзявяты Баль Усіх Святых. Сёлета свята было аб’яднана моцнай і заклікальнай тэмай — «Адвага супраць цемры».

6 студзеня парафіяльная супольнасць сабралася ў капліцы на вечар калядных спеваў. Хоры, парафіяльныя групы, сем’і, салісты заспявалі калядкі, вядомыя для многіх з самaга дзяцінства, а таксама і іншыя песні пра Нараджэнне Хрыста.

27 снежня Касцёл адзначае свята святога Яна – нябеснага заступніка нашай парафіі.

Святая Імша, якая цэлебруецца з надыходам ночы, называецца Пастэрка — ад лацінскага слова pastor (пастух), бо першымі людзьмі, якім Анёлы абвясцілі цудоўную навіну пра Нараджэнне Хрыста, былі бэтлеемскія пастушкі, што ў тую ноч пасвілі непадалёк свой статак. Менавіта яны першыя прыйшлі і пакланіліся нованароджанаму Збаўцу, а разам з імі — іх жывёла.

Распаўсюджванне Бэтлеемскага агню за сваю гісторыю ўжо паспела стаць сапраўднай каляднай традыцыяй для многіх, і каталіцкія скаўты тут не з’яўляюцца выключэннем. Для іх гэтая акцыя — адна з магчымасцяў паслужыць па-за межамі сваёй адзінкі і парафіі, несучы людзям святло з Бэтлеема. 

У перадкалядны перыяд у нашай парафіі традыцыйна адбыліся Аплаткавыя сустрэчы ў супольнасцяў. Сваімі перажываннямі падзяліліся удзельнікі сустрэчаў.

З 11 па 14 снежня ў нашай парафіі адбыліся адвэнтавыя рэкалекцыі. «Вера — арыенцір духоўнага жыцця», — так гучала тэма, над якой разам з парафіянамі разважаў ксёндз-рэкалекцыяніст Павел Скуба, куратар прапедэўтычнага курса ў Міждыяцэзіяльнай вышэйшай духоўнай семінарыі ў Гродне.

5 кастрычніка парафію Св. Яна Евангеліста і Максімільяна Кольбэ ў Мінску ўпершыню наведаў з пастырскім візітам Яго Эксцэленцыя арцыбіскуп Іньяцыё Чэффалія — Апостальскі Нунцый у Рэспубліцы Беларусь.

Душпастыры, сёстры і бацькі дбаюць не толькі пра фізічны і псіхічны адпачынак дзяцей падчас летніх канікулаў, але таксама пра іх духоўнае ўзбагачэнне. Добрым інструментам у такім узрастанні з'яўляюцца супольныя выезды з спецыяльна запланаванай праграмай. Глядзіце ў нашым фотарэпартажы, як прайшлі Канікулы з Богам 2025.

У нашу парафію завітаў біскуп Юрый Касабуцкі, каб узначаліць Святую Імшу і ўдзяліць сакрамэнт Канфірмацыі 32 парафіянам. Прыводзім словы, якімі з намі дзяліўся Эксцэлекцыя:

Нашыя парафіяне ўдзельнічалі ў працэсіі па горадзе Мінску. Скаўты і скаўткі традыцыйна няслі сваё служэнне падчас гэтай падзеі.

26 красавіка ў Хрысціянскім Сацыяльным Цэнтры ў Мінску адбылася малітва праслаўлення пад назвай «Дзеці нясуць міласэрнасць». Традыцыйна ў гэтай падзеі прымае ўдзел наш хор дзяцей «Божыя ягняткі» пад кіраўніцтвам Алены Шымак.

Вялікдзень — найважнейшая ўрачыстасць у Літургічным годзе.

Ад вячэрніка праз Крыж і цішыню Гроба Касцёл вядзе нас да Вялікай ночы Уваскрасення.