Цэтлік // Фота

  • Вербная Нядзеля

    У апошнюю  нядзелю перад Вялікаднем урачыста адзначаецца ўспамін уезда Езуса ў Ерусалім. Жыхары горада расцілалі перад Ім пальмы і ўласныя плашчы і радасна віталі крычучы: "Гасанна Сыну Давідаваму".

  • З днём нараджэння, айцец Аляксандр!


    Паважаны айцец Аляксандр!

    Віншуем Вас з днём нараджэння. Ад усяго сэрца жадаем Вам Божай дапамогі ва ўсіх распачатых справах, усіх патрэбных ласк, моцнага здароўя і новых ідэй. Дзякуем за адданасць, за Ваш уклад ў развіццё капліцы, за тое, што нястомна кіруеце намі ў нялёгкім шляху да Божага Валадарства.

    Парафіяне

  • Батлейка 2014


  • З Новым 2014 годам!!!

    Прайшоў яшчэ адзін год нашага жыцця. Для некага ляцеў вельмі хутка, а яшчэ для кагосці цягнуўся і цягнуўся. Былі ў ім і радасці, і турботы, былі гадзіны цярпення, хваробы і моманты шчасця. Было шмат чаго і добрага, і дрэннага, але галоўнае, што ў гэтым мінулым годзе ў нашым жыцці дзейнічаў Бог. Не заўсёды, мы дзейнічалі разам з Ім, часам згаджаліся на Яго волю, часам не звярталі ўвагі на тое, што кажа нам Пан, але таксама варта прызнацца сабе таксама ў тым, што былі моманты нашага жыцця, калі дзейнічалі супраць Яе. 

    Хочацца пажадаць вам усім, каб у новым годзе, такіх момантаў, было як мага меней. Няхай кожны з нас з адкрытым сэрцам і чыстым сумленнем прамаўляе малітву гаворачы: "...будзь воля Твая як у небе, так i на зямлi." 

  • Заканчэнне адвэнтавых рэкалекцый

    21 і 22-га снежня ў парафіі праходзілі адвэнтавыя рэкалекцыі, якія праводзіў а. Алег Шэнда OFMCap

  • Першы дзень адвэнтавых рэкалекцый

    Праводзіць айцец Алег Шэнда OFMCap

    "Час рэкалекцый - гэта магчымасць інакш глянуць на жыццё, зварухнуцца з пэўнымі думкамі, ідэямі, глянуць на тое, да чаго мы прызвычаіліся, і выбраць что з'яўляецца важнейшым, мае большае значэнне ў нашым жыцці."

    "Прарок Ісайя кажа, што прыйсце Збаўцы будзе ўносіць нешта новае ў жыццё. У адным з прароцтваў ён гаворыць што леў і вол будуць есці салому. Мы, людзі адукаваныя і добра ведаем: леў - драпежнік і ніякімі анекдотамі мы яго не ўгаворым каб ён забыўся, што хоча есці мяса. Але прарок кажа, што часы будуць іншыя, што прыйсце Збаўцы павінна шмат чаго змяніць у той рэчаіснасці да якой мы прызвычаіліся."

  • Уф! Папрыбіралі )

    26 кастрычніка наша горка стала іншай.

  • Новыя кандыдаты ў міністранты

    Хто такі міністрант? Гэта той, хто дапамагае святару падчас літургіі. Назва паходзіць ад "ministrare" і азначае служыць. Некалькі хлапцоў з нашай парафіі так сама вырашалі, што хацяць паслугоўваць пры алтары Пана. Перад імі цяпер час падрыхтоўкі і навукі. Таму прашу ўсіх парафіян маліцца за іх, каб тое аб чым мы просім Бога падчас малітвы благаслаўлення - выканалася:

    Божа, ад якога паходзяць усе добрыя намеры і святыя жадання, спадзяемся, што гэта Ты разпаліў у іх полымя жадання служыць Табе. Падтрымай іх цяпер ласкай Сваёй, дапамажы крочыць шляхам Тваім, і не дазволь, каб калі-небудзь адвярнуліся ад Цябе. † Блаславі іх на працягу ўсяго іх служэння, да якой мы іх далучаем дзеля вялікай хвалы Тваёй. Праз Хрыста Пана нашага. Амэн. 

  • Асвячэнне памятнага каменя


    Слова "камень" у Бібліі, мае шмат значэнняў і тлумачэнняў. У Бібліі ўзгадвалі яго 337 разоў, а тэрмін «скала» можна знайсці ажно 139 разоў. Такім чынам, наяўнасць камянёў у Бібліі, пачынаючы з кнігі Быцця і заканчваючы Апакаліпсісам св. Яна, сведчыць аб аб тым, што камень быў важным элементам рэлігійнага жыцця.

  • 20 год манаства а. Аляксандра і а. Міраслава


    Шчыра віншуем нашых душпастыраў і дзякуем за іх Пану Богу.

  • 1 верасня – дзень ведаў

    1 верасня ў нашай парафіяльнай капліцы адбылося асвячэнне школьных прыладаў, а таксама школьнікі і студэнты атрымалі благаслаўленне на новы навучальны і катэхетычны год.

  • Увод у пасаду а. Аляксандра Уласа - новапрызначанага пробашча парафіі

    25 жніўня, падчас св. Імшы а 19 гадз., афіцыйна прыныў  на сябе абавязкі пробашча нашай парафіі а. Аляксандр Улас OFMConv.

  • Пілігрымка да Маці Божай Будслаўскай


    Пілігрымка гэта заўсёды ахвяра. Але не кожная ахвяра, павінна быць сумнай і панурай. Асабліва калі гэтай  ахвярай з'яўляецца пілігрымка ў Будслаў. Малітва і песні. Шмат усмешак і радасць не гледзячы на боль стомленных і сцёртых да крыві ног. Што, асабліва ўспамінаюць нашы пілігрымы?

  • Перэгрынацыя рэліквій св. Тэрэзы ад Дзіцятка Езус

    Раскоша любові


    Езу, калі прагненне любіць Цябе з'яўляецца такой раскошай, то чым жа будзе валоданне любоўю і жыццё ёю?  Святая Тэрэза ад Дзіцяткі Езус

    Дзе сустрэць гэту вялікую святую і Доктара паўсюднага Касцёла? Ці можна вярнуцца ў той кароткі час паміж 1873 і 1897 гадамі, калі яна жыла? Немагчыма. Святая Тэрэза знайшла лепшае выйсце – пілігрымаваць самой: з году ў год, з краіны ў краіну. Гэтым летам яна наведвае Беларусь. У дзень Маці Божай Будслаўскай мы сустракалі яе ў капліцы парафіі святога Яна Евангеліста і святога Максімільяна Марыя Кольбэ. У дзень, калі з удзячнасцю ўспаміналі 400-гадовую апеку Марыі ў вобразе Маці Божай Будслаўскай над нашай краінай, у дзень малітваў да святога Антонія Падуанскага з Дзіцяткам Езусам на руках, у маленькую драўляную каплічку прыйшла святая Тэрэзка. Завітала так, як і жыла – без пафасу, проста, даверліва, рэальна, нібы прадбачыла гэты дзень даўным-даўно.

  • Пілігрымы нашай парафіі разпачалі сваё релігійнае вандраванне да Маці Божай Будслаўскай.

    Сёлятняя ХХІІІ пешая пілігрымка «Мінск — Будслаў» адмысловая - таму, што пілігрымы накіроваючыся да Будслава ідуць да вобраза Маці Божай Будслаўскай, які ў гэтым годзе святкуе юбілейную ўрачыстасць - 400-годдзе прыбыцця цудатворнага абраза Маці Божай да будслаўскага санктуарыя.

  • 1-я Камунія

    19 мая ў нашай парафіі адбылася ўрачыстасць Першай Святой Камуніі - 14 дзяцей першы раз у сваім жыцці прынялі Езуса ў Эўхарыстыі.

  • 3 гадавіна нашай капліцы

    22 мая гэта дзень 3 гадавіны асвячэння нашай капліцы. Тры гады здаецца не так шмат - аднак азіраючыся назад, дасканала відаць колькі ўсяго было зроблена. Капліца - гэта не толькі будынак, але перш за ўсё людзі, якія належаць да нашай парафіі, якія моляцца ў гэтым мейсцы. Людзі, якія ўклалі часціцу сябе ў тое, што належыць ужо не толькі ім, але перш за ўсё самому Богу. 

    Таму ў гэты дзень, запрашаю ўсіх вернікаў, сяброў і проста тым каму не абыякава наша капліца, на праслаўленне Бога ў ёй вечарам 22 мая ў 19 гадзін. 

    Пасля св. Імшы адбудзецца медыяльная прэзентацыя гісторыі нашай капліцы.

    Сардэчна запрашаем!!!


  • Батлейка 2013 (фота)



  • Парафіяльныя рэкалекцыі адбыліся

    Нашы парафіяльныя рэкалекцыі скончыліся. Іх плён быць можа з'явяцца не адразу, аднак калі кожны з тых, хто свядома і сумленна перажываў іх будзе глядзець на сваё жыццё, то зможа заўважыць, што слова Божае пасеянае ў яго жыцці і ў ягонай душы не застанецца пакорліва ляжаць. Яно развіваецца, расце, мацнее - галоўнае каб цяпер быў правільны догляд за ім. І тады яно выдасць свой ​​плён.Калі хтосці захоча на нова праслухаць навуку айца рэкалекцыяніста, можа праслухаць або праглядзець іх на нашай старонке - відэа і аўдыё знаходзяцца ніжэй. Таксама запрашаем паглядзець фатаграфіі з першага дня рекалекцый.

  • Прыбіране - гэта таксама наша малітва

    Прыходзіш зазвычай да касцёла ў нядзелю - прыемна маліцца, калі адчуваеш не толькі Божую ласку але і прыгажосць навакольнага свету, асабліва калі ў храме, у якім молішся, прыгожа і чыста. У такія моманты не задумываешся аб тым, што за гэтай прыгажосцю і чысцінёй знаходзіцца ахвяра і прысвячэнне многіх людзей, якія кавалачак свайго сэрца і часу ўклалі ў гэты храм, а праз гэта і ў тваё жыццё.

    Запрашаем усіх жадаючых далучыцца да тых, хто ахвяруе нам сваё сэрца, час і самога сябе, каб нам было добра у нашым храме. «Давайце, і дадзена будзе вам. Бо мерай, якой вы мераецца, і вам адмерана будзе ». Лука 6:38.

    ФОТАЗДЫМКІ - тут мы разам прыгатаўляем нашую каплічку да перыяду Адвэнту