Цэтлік // Фота

У гэтым годзе склад удзельнікаў пашырыўся. 1 ліпеня з Мінска на роварах выехала 16 чалавек, якія паспяхова дабраліся да Будслава: без рамонтаў і траўм. Узрост удзельнікаў быў самы розны — старэйшаму было 58 гадоў, але большасць пілігрымаў усё ж складала моладзь.

У нядзелю 6 чэрвеня 39 дзяцей нашай парафіі ўпершыню сустрэліся з Хрыстом у Эўхарыстыі. Да Святой Камуніі дзеці рыхтаваліся на працягу некалькіх гадоў катэхезы. У апошні тыдзень прайшлі адмысловыя «канікулы з Богам», прысвечаныя сакрамэнту пакаяння і паяднання і сакрамэнту Эўхарыстыі. Напярэдадні ўрачыстасці дзеці прыступілі да першай ў сваім жыцці споведзі.

29 мая адбыўся выезд хору малодшых дзетак “Божыя ягняткі”.  Яго, на заканчэнне катэхэтычнага году, маленькім спевакам арганізавалі нашыя святары разам з кіраўніком хора Аленай Шымак. Распавядае маці аднаго з “ягнятак” і ўдзельніца выезду — Кацярына Дзятловіч.

У нядзелю 18 красавіка мы развіталіся з сястрой Агнешкай Рамашка CSFN. Сястра назарэтанка служыла ў нашай парафіі амаль 3 гады. І вось надыйшоў час расстання. А наступным этапам яе служэння будзе нунцыятура ў Велікабрытаніі, у Лондане.

Першая ўрачыстая святая Імша ў Велікодную нядзелю традыцыйна распачынаецца працэсіяй, у якой нясуць Найсвяцейшы Сакрамэнт і фігуру ўваскрослага Хрыста. Гэта так званая рэзурэкцыя(ад лац. уваскрасенне).

У ноч з суботы на нядзелю паводле найстаражытнейшай традыцыі адбываецца чуванне (лац. вігілія) на ўшанаванне Пана. Вігілія гэтай ночы, якая з’яўляецца найважнейшай і найбольш значнай з усіх урачыстасцяў, уключае шмат прыгожых старадаўніх абрадаў.

Вялікая пятніца –  гэта дзень, у якім наш збаўца Езус Хрыстус, паміраючы на крыжы, прынёс на ім крывавую ахвяру ўміласціўлення Нябеснаму Айцу за грахі ўсіх людзей.

Каб убачыць сэнс Трыдуума, трэба разглядаць яго як адзінае цэлае — ад вечара ў Вялікі чацвер да благаслаўлення ў канцы Рэзурэкцыі. Гэта адна літургія, найважнейшая ў годзе, якая доўжыцца тры дні і тры ночы.

13 сакавіка ў Магілёве прайшла моладзевая сустрэча, праграму да якой падрыхтавалі ксяндзы хрыстусоўцы і аніматары з мінскай парафіі Святога Яна Евангеліста і Максімільяна Кольбэ. «Адчыніце дзверы Хрысту» — так гучала тэма сёлетняй сустрэчы, якая стала працягам мінулагодняга дня духоўнага засяроджання.

IV нядзеля Вялікага посту або, інакш кажучы, Laetare сімвалізуе радасць надыходзячага свята Пасхі. Але ў гэты дзень, 14 сакавіка, была яшчэ адна нагода для радасці — Андрэй Рамашка і Багдан Сырыца далучыліся да групы парафіяльных лектараў.

5-7 сакавіка каталіцкія скаўты вандроўнікі FSE з розных куткоў Беларусі, таксама і з нашай парафіі, сустрэліся ў санктуарыі Маці Божай Каралевы сем'яў у Тракелях Гродзенскай дыяцэзіі на велікапосныя рэкалекцыі.

26-27 лютага ў маладых правадніц з Другой мінскай дружыны імя святой Барбары адбылася зімовая вандроўка. Дзяўчаты разам з душпастырам ксяндзом Алегам прайшлі 18 кіламетраў ад Мядзведзічаў, вёскі ў Ляхавіцкім раёне, да горада Ганцавічы.

1 сакавіка ў мінскай парафіі Святога Яна Евангеліста і святога Максімільяна Кольбэ, служэнне ў якой нясуць ксяндзы хрыстусоўцы, адбыўся Усебеларускі дзень духоўнага засяроджання для кансэкраваных асобаў.

25 лютага ў касцёле Маці Божай Будслаўскай у Мінску адбылася адарацыя і супольная малітва для моладзі Мінска, у якой прынялі ўдзел таксама юнакі і дзяўчаты з нашай парафіі.

З 5 па 7 лютага адбылася зімовая вандроўка скаўцкіх шэфаў Першай мінскай дружыны. У гэтым годзе яе вырашылі правесці на Палессі, а менавіта на балоце, якое знаходзіцца ў заказніку «Падвялікі мох».

Хутка мінулі святы. Здаецца, яшчэ зусім нядаўна нашыя сем'і збіраліся за вігілійным сталом. Ці стаяў на ім агонь з Бэтлеему? Многія з тых, хто спрычыніўся да справы распаўсюджвання Бэтлеемскага агню, згадзіліся б з думкай, што яго важнасць у поўнай меры ўсведамляецца тады, калі ў сваіх руках нясеш гэты агонь да людзей з розных парафій, з розных мясцінаў, калі тлумачыш ім сэнс гэтага сімвала хрысціянскай еднасці і салідарнасці і сам пачынаеш яго дакладна разумець – і тады ўжо немагчыма не прынесці яго ў свой дом, у сваю сям’ю.

У гэтым годзе з-за пандэміі не была прадстаўлена традыцыйная батлейка. Значыць ёсць прычына ўспомніць, як гэта было калісьці. Прапануем рэтраспектыву батлеек у нашай парафіі 2013-2019 гадоў.

27 снежня, у парафіяльную ўрачыстасць святога Яна Евангеліста, якая ў гэтым годзе супала са святам Святой Сям’і, Мітрапаліт Мінска-Магілёўскі арцыбіскуп Тадэвуш Кандрусевіч наведаў нашу парафію і ўзначаліў адпустовую святую Імшу.

З-за каранавіруса могуць закрыць межы, увесці масачны рэжым, забараніць канцэрты і абмежаваць паходы ў кафэ. Некаторыя нават кажуць: свет у гэтым годзе спыніўся. Але нязменным на працягу доўгага часу застаецца адно — Нараджэнне Езуса Хрыста.

Перадсвяточны час у мінулых гадах адзначаўся часам яднання ўсёй нашай парафіі на аплаткавых сустрэчах. Але ў незвычайным 2020 годзе адбылася толькі адна аплаткавая сустрэча: для парафіяльнай групы ДМХ «Адзіныя сэрцам».