Цэтлік // Скаўты

На выходных 21-22 лістапада адбыліся асеннія выезды скаўтаў нашай парафіі. Малодшыя – Ваўчаняты і Божыя кароўкі – мелі свой асеннік. Старэйшыя – скаўткі – кап’ё кап’явых (гэта збор з выездам на прыроду дзяўчат скаўтак, якія ўзначальваюць адзінкі скаўцкага руху — коп’і).

4 кастрычнiка ва ўспамiн святога Францiшка з Асiзi, апекуна ўciх Божых Каровак, якi вельмi блiзкi скаўтынгу сваёю любоўю да навакольнага свету, радасным духам, пакорай, служэннем Богу i людзям, 2-я Мiнская дружына святой Барбары адзначыла гадавiну свайго iснавання. Падчас Святой Лiтургii мы дзякавалi за ўсіх у дружыне: Божую Кароўку, скаўтку, праваднiцу, шэфаў, душпастыраў, бацькоў. Пасля адбылiся прыгожыя, значныя цырымонii.

З 25 па 28 жніўня ў Ракаве праходзіў летнi палёт Божых Каровак. Распачаўся ён Святой Iмшой разам з бацькамi ў роднай парафii, пасля якой Божыя кароўкi, напоўненыя благаслаўленнем, вырушылi насустрач прыгодзе.

З 14 па 23 жніўня на маляўнічых берагах рэчкі Гаўя праходзіў аб'яднаны скаўцкі летнік Мінскага і Івянецкага звязаў. А так як увесь год у звязаў праходзіў пад рознымі фабуламі («Валадар пярсцёнкаў» ў Мінска і «Легенды пра караля Артура і рыцараў круглага стала» ў Івянца), то сталі магчымы ўсе неварагодныя і нават абсурдныя сцэнарыі. Каму ўдалося захапіць легендарны Камелот? Вядома ж хобітам! Так летнік нечакана набыў новыя рысы.

З 20 па 23 жніўня пад дэвiзам «Мой родны кут, як ты мне мілы...» адбыўся летнiк ваўчанятаў. Сёлета ён праходзіў ў аколiцах маляўнічых мясцiнаў, апiсаных у паэме «Новая зямля» Якуба Коласа, а менавiта ў Стаўбцоўскім раёне ў в. Арцюхi, што недалёка ад засценка Акiнчыцы — месца нараджэння аднаго з заснавальнікаў сучаснай беларускай лiтаратуры і літаратурнай мовы, народнага паэта Беларусі.

“Скаўтынг – гэта прыгода!” – гэтыя словы – першае, што я памятаю, калі ўзгадваю знаёмства са скаўтынгам, якое адбылося, калі каталіцкія скаўткі апавядалі нашым парафіянам пра свой стыль жыцця. Тады я глядзела на іх і дакладна ведала, што гэта – не маё. І вось прайшло з таго моманту амаль чатыры гады і я – дружыновая 2-й Мінскай дружыны св. Барбары.

Скаўтынг накіраваны на ўсебаковае фізічнае і духоўнае развіццё дзяцей і падлеткаў праз гульні і прыгоды на прыродзе.

Зіма набліжаецца да свайго канца, а мы вырашылі распавесці Вам, дарагія чытачы, як прайшлі зімнікі ў нашых скаўтак і скаўтаў.

Тысячы вернікаў па ўсёй Беларусі атрымалі магчымасць прынесці ў свой дом Агонь, які быў запалены ў далёкім Бэтлееме, мейсцы нараджэння нашага Збаўцы. Адбылося гэта дзякуючы каталіцкім скаўтам.

Чарговая прыгода нашых скаўтаў і скаўтак пачалася ноччу з 14 на 15 лістапада. Удзельнікаў выезда было няшмат, бо мерапрыемства планавалася толькі для шэфаў адзінак. Наперадзе чакаў доўгі шлях, Уроцлаў, дзе павінна было прайсці Міжнароднае кап’ё кап’явых, — гэта той яшчэ «блізкі свет».

13 кастрычніка Генеральным камісарам FSE (Федэрацыя скаўтаў Еўропы) Юліяй Чарніцкай была праведзена цырымонія вызнання 2-й Мінскай дружыны Св. Барбары і назначана дружыновая — Таццяна Мазун.

13-га кастрычніка Генеральным Камісарам FSE (Федэрацыя скаўтаў Еўропы) Юліяй Чарніцкай была вызнана дружына св. Барбары як прызнанне высокага ўзроўню развіцця скаўцкага руху ў нашай парафіі. Аб гэтай падзеі мы неузабаве раскажам асобна, а сёння прапануем відэагісторыю пра тое як ствараўся і развіваўся скаўтынг у дзяўчат. Аўтары відэа — Мілана Міхейкіна і Анастасія Вайткевіч, кап'ё Сойка.

Блакітны мундур, чырвоныя шапачкі, сем чорных кропачак, дзіўныя нашыўкі на мундурах — што гэта сімвалізуе? Які ў гэтым сэнс? Знайсці адказы на шматлікія пытанні можна ў суботу 26 кастрычніка на дні знаёмства з «Божымі кароўкамі» — адгалінаваннем скаўцкага руху для малодшых дзяўчынак.

У нядзелю 1 верасня на кожнай Святой Імшы святары асаблівым чынам віталі дзяцей, сясцёр, катэхетаў, настаўнікаў і ўсіх людзей, якія прычыняюцца да фармацыі будучыні нашага Касцёла.

7 верасня ў Тракелях адбылася сустрэча шэфаў-скаўтак Беларусі, падчас якой удзельнікі падвялі вынікі мінулага скаўцкага года і абмяркавалі планы на новы.

А вы калі-небудзь спалі на вышыні 4 метры ад зямлі на свежым паветры? Гатавалі аладкі на вогнішчы? Прачыналіся пад гук сапраўднага рога? А мы адкажам: так! З 13 па 21 ліпеня ў лесе пад Івянцом 13 скаўтак і 2 шэфы перажылі сапраўдную летнюю прыгоду.

З 10 па 20 ліпеня непадалёк ад Івянца адбыўся першы самастойны летнік каталіцкіх скаўтаў 1-га Мінскага звяза Св. Яна Паўла ІІ. Гэта быў час прыгод, выпрабавання, фармавання характару і радасці.

9 чэрвеня жоўтая галіна каталіцкага скаўтынгу ў Беларусі прыняла васьмярых “ваўчанят”. Самыя малодшыя ўдзельнікі скаўцкага руху (FSE) і адначасова парафіяне jan.by склалі свае абяцанні «верна служыць Богу, бацькам і Айчыне» падчас летніка ў вёсцы Вішнева (Валожынскі раён) у касцёле Адведзінаў Найсвяцейшай Панны Марыі.

У Навагрудку 30 чэрвеня распачаўся першы агульнабеларускi летнi палёт «Божых каровак» — скаўцкага адгалінавання для дзяўчынак 8–11 гадоў. Мерапрыемства аб’яднала ў адну вялiкyю сям’ю 34 дзяўчынкi, 6 шэфаў, колы «Божых каровак» з Iвянца, Гродна і Мінска.

Сёлетні «вясновы палёт» Божыя кароўкі правялі ў маляўнічым куточку нашай краіны — Налібаках. Адбыўся ён у нядзелю 26 мая.