Віталій Палінеўскі
Праграміст, фатограф, дызайнер. Працуе ў каталіцкіх мас-медыя з 2001 г. З'яўляецца адным са стваральнікаў партала Catholic.by і сайта Jan.by.
Ад 1-га чэрвеня, згодна з дэкрэтам арцыбіскупа Юзафа Станеўскага, ксёндз Андрэй Лысы, хрыстусовец, пачаў служэнне ў якасці вікарыя ў парафіі cв. Яна Евангеліста і св. Максімільяна М. Кольбэ.
5 чэрвеня ў парафіі св. Яна Евангеліста і св. Максімільяна Марыі Кольбэ восем сем’яў далучыліся да руху Equipes Notre-Dame (ЭНД). У прысутнасці пастыраў і прысутных на св. Імшы парафіянаў гэтыя сем’і прынялі «карту руху», прысвяцілі сябе Божаму Сэрцу, паабяцалі ўзяць Евангелле за канстытуцыю сваіх сем’яў. З гэтага моманту ў нашай парафіі дваццаць сем’яў належаць да гэтага руху.
23 красавіка ў Хрысціянскім сацыяльным цэнтры дабрачыннай місіі Добрага Самараніна ў Мінску прайшла малітва праслаўлення ў абарону жыцця «Дзеці нясуць міласэрнасць». У гэтым фестывалі духоўных спеваў выступілі дзіцячыя калектывы з Гомеля, Маладзечна, Мінска, Мар’інай Горкі.
Першая ўрачыстая святая Імша ў Велікодную нядзелю традыцыйна распачалася працэсіяй з Найсвяцейшым Сакрамэнтам і фігурай ўваскрослага Хрыста. Гэта так званая рэзурэкцыя (ад лац. уваскрасенне).
У ноч з суботы на нядзелю паводле найстаражытнейшай традыцыі адбываецца Пасхальная Вігілія — важнейшая цэлебрацыя ва ўсім Літургічным годзе. Пасхальная Вігілія з’яўляецца кульмінацыяй Пасхальнага Трыдууму і пачаткам радаснага святкавання Уваскрасення Езуса Хрыста.
10 красавіка – Пальмовая нядзеля – дзень у якім мы ўспамінаем трыумфальны ўваход Езуса Хрыста ў Ерузалем. Як піша eвангеліст, людзі з натоўпу, якія віталі Хрыста, «слалі адзенне сваё на дарозе, а іншыя — галінкі, зрэзаныя на палях. І тыя, хто ішоў спераду і следам за Ім, усклікалі: Гасанна! Благаслаўлёны той, хто прыходзіць у Імя Пана» (Мк 11, 1–10).
Пальмовая нядзеля, або Вербніца, – гэта свята ў гонар уваходу Езуса Хрыста са сваімі вучнямі ў Іерусалім на вясенняе свята Пасхі. Апошнюю нядзелю Вялікага посту называюць таксама Нядзеляй Мукі Пана. Яна распачынае Вялікі тыдзень, які заканчваецца ў Вялікдзень.
З 18 па 20 сакавіка ў нашай парафіі адбыліся Велікапосныя рэкалекцыі, іх правёў а. Юрый Кулай OCD, пробашч парафіі Божага Цела ў Мінску.
3 сакавіка ў парафіі святых Яна Евангеліста і Максімільяна Марыі Кольбэ 12 хлопчыкаў былі прынятыя ў міністранты. Пасля таго як яны склалі прысягу, кожны міністрант з рук душпастыраў кс. Уладзіміра Марушэўскага і кс. Алега Шпеця атрымаў асабістую комжу і пасведчанне міністранта. Маючы такое пасведчанне, яны могуць служыць пры алтары ў любым касцёле.
Імя святога Блажэя вядома дзякуючы таму благаслаўленню, якое ўдзяляецца ў яго літугрічны ўспамін 3 лютага. Падчас благаслаўлення святар, трымаючы ў руках дзве скрыжаваныя свечкі, моліцца: «Няхай Бог праз заступніцтва святога мучаніка Блажэя вызваліць цябе ад усялякіх хваробаў горла і ад усялякага зла».
Свята Ахвяравання Пана, якое адзначаецца ў Каталіцкім Касцёле 2 лютага, з'яўляецца адным з самых старажытных хрысціянскіх святаў. У гэты дзень вернікі ўшаноўваюць Езуса Хрыста, Святло свету. У Евангеллі згадваецца ўнясенне Дзіцяці Езуса ў святыню і абрад ачышчэння Найсвяцейшай Панны Марыі. У нас гэта свята таксама носіць назву Маці Божай Грамнічнай альбо Грамніцы.
Ад пачатку студзеня ў нашай парафіі праходзіў конкурс малюнкаў на тэму «Божае Нараджэнне ў маім жыцці». 16 студзеня падчас Балю Усіх Святых былі падведзеныя вынікі конкурсу. Таксама адной з адметнасцяў балю стала экспазіцыя конкурсных прац.
У межах Балю Усіх Святых, які адбыўся 16 студзеня, была паказана тэатральная пастаноўка аб Божым Нараджэнні.
У гэтым годзе, як і ў мінулым, у сувязі з пандэміяй не было такіх маштабных аплаткавых сустрэч, як некалі. Аднак, дзяленне аплаткай — не проста традыцыя. Існуе патрэба сэрцаў раздзяліць радасць Божага Нараджэння з іншымі людзьмі, асабліва з блізкімі: з тымі, хто належыць да адной парафіяльнай сям’і, хто стаў братам ці сястрой па супольнасці, сапраўдным сябрам. Таму мы шукаем гэтых сустрэч, хоць бы ў малых групах, каб павіншаваць адно аднаго, сказаць добрыя словы, выказаць найлепшыя пажаданні, пабыць у гэты святочны час разам.
27 снежня з нагоды свята св. Яна, апостала і евангеліста, разам з нашымі душпастырамі святую Імшу цэлебравалі запрошаныя айцы францішкане. Менавіта супольнасць айцоў францішканаў стаяла ля вытокаў нашай парафіі.
Жыццё мае ўласцівасць бесперапынна змяняцца, набываць новыя формы. Таксама з ім змяняемся і мы, прызвычайваемся да новых абставінаў, прымаем “правілы гульні”, якія з цягам часу ўжо не здаюцца такімі дзіўнымі. У чымсьці гэта кранаецца і жыцця Касцёла: вернікаў ужо не здзівіш трыма пастэркамі і анлайн-трансляцыяй, а немагчымасць паставіць традыцыйнае батлейнае прадстаўленне або сустрэцца, каб паламацца аплаткам, успрымаецца ўжо спакайней, змушае шукаць новы, можа нават больш глыбокі спосаб перажыць гэтыя моманты ў вузкім коле родных і блізкіх.
З 17 па 19 снежня праходзілі адвэнтавыя рэкалекцыі, якія праводзіў кс. Дзмітрый Чупрын, вікарый парафіі св. Юзафа ў Маладзечна.
17 снежня скаўты і скаўткі з парафіі Св. Яна Евангеліста і Максімільяна Кольбэ даставілі Бэтлеемскі агонь у мінскую катэдру Найсвяцейшага Імя Марыі. Іх сустрэў Мітрапаліт Мінска-Магілёўскі арцыбіскуп Юзаф Станеўскі.
Ад пачатку Адвэнта кожны будні дзень у 6.45 раніцы ў нашай парафіі цэлебруецца адмысловая святая Імша — Рараты. Назва «Рараты» бярэ свой пачатак ад лацінскай песні Rorate caeli desuper («Дайце, нябёсы, росы з вышыняў»). Чым для высахлай зямлі з’яўляецца раса, тым Хрыстус для тых, хто Яго чакае. Рараты цэлебруюцца да ўсхода сонца, яны асаблівым чынам нагадваюць нам пра Марыю, якая падобная да ранішняй зоркі, што апярэджвае ўсход сонца. Так і Марыя папярэдзіла прыход Езуса Хрыста — нашага Сонца і Святла ўсяго свету.
27 лістапада, у апошні дзень літургічнага года члены руху Equipes Notre-Dame арганізавалі і правялі чарговы сямейны баль. Сваімі ўражаннямі дзеліцца сужэнская пара Алёна і Генадзь Манчынскія.
Дарагія сябры! Просім падтрымаць будаўніцтва нашага касцёла і дзейнасць парафіі. Шчыра дзякуем за дапамогу, молімся за ўсіх ахвярадаўцаў.
