Віталій Палінеўскі
Праграміст, фатограф, дызайнер. Працуе ў каталіцкіх мас-медыя з 2001 г. З'яўляецца адным са стваральнікаў партала Catholic.by і сайта Jan.by.
20-22 снежня ў парафіі праходзілі адвэнтавыя рэкалекцыі. Іх праводзіў кс. Раман Суша, дактарант Папскага Грыгарыянскага Універсітэта.
У нядзелю 15 снежня ў нашай парафіі адбылася прэзентацыя калядна-адвэнтовай кнігі для дзяцей «Святы Мікалай да нас завітай!». Прадставіць яе прыйшлі адна з сааўтарак, а таксама наша парафіянка, Аксана Ючкавіч і вярстачка кнігі Анастасія Дула.
Чацвёрты парафіяльны Баль Усіх Святых адбыўся ў мінулую нядзелю. Выбіраць святога, прыдумваць касцюм, ствараць малюнак — гэта ўжо традыцыйныя справы для дзяцей падчас восеньскіх канікул. А пакуль дзеці з дапамогай бацькоў рыхтаваліся і разам чакалі гэту незвычайную нядзелю, нашыя святары, сёстры і найактыўнейшыя парафіяне ладзілі сустрэчы, каб абмеркаваць тэму і дэвіз сёлетняга Балю.
У межах Балю Усіх Святых, які адбыўся 17 лістапада, была паказана тэатральная пастаноўка пра апекуна нашай парафіі Максімільяна Марыя Кольбэ.
Месяц лістапад асаблівым чынам прысвечаны малітоўнай памяці аб нашых продках, якія апярэдзілі нас у шляху да вечнасці. З гэтай нагоды у нашай капліцы пачынаючы з 1 да 8 лістапада (актава) кожны дзень 30 хвілін перад вячэрняй Святой Імшой будзе адбывацца набажэнства за памерлых – Нешпары і будуць чытацца выпамінкі (імёны і прозвішчы памерлых, за якіх молімся). У гэтыя дні будзе ахвяраваная Святая Імша ў інтэнцыі памерлых з выпамінкаў.
13 кастрычніка Генеральным камісарам FSE (Федэрацыя скаўтаў Еўропы) Юліяй Чарніцкай была праведзена цырымонія вызнання 2-й Мінскай дружыны Св. Барбары і назначана дружыновая — Таццяна Мазун.
У нядзелю 1 верасня на кожнай Святой Імшы святары асаблівым чынам віталі дзяцей, сясцёр, катэхетаў, настаўнікаў і ўсіх людзей, якія прычыняюцца да фармацыі будучыні нашага Касцёла.
Дарагія сябры, сёння мы хочам пазнаёміць вас з нашай парафіянкай Ірынай Адамаўнай Шаршун. Яна ўжо на пенсіі, але прымае актыўны ўдзел у жыцці парафіі. Спадарыня Ірына Адамаўна распавяла, якое для яе было гора, калі яе ў 8 класе не прынялі ў камсамол, як яна потым прыйшла да веры і чым зараз дапамагае ў парафіі.
Каманда Jan.by распачынае серыю публікацый пад рубрыкай, якая называецца «Партрэт па панядзелках». Кожны панядзелак мы будзем вас знаёміць з пэўнай асобай. Кожны панядзелак — новае інтэрв'ю.
Ці вы бывалі калі-небудзь на Святой Зямлі? У Бэтлееме, Назарэце, Ерузалеме? А вось нашыя маленькія парафіяне, якія вырушылі на «Канікулы з Богам» былі. І хоць пры гэтым яны не пакідалі лагера ў вёсцы Ляскоўка, гэта было сапраўднае падарожжа.
З 10 па 20 ліпеня непадалёк ад Івянца адбыўся першы самастойны летнік каталіцкіх скаўтаў 1-га Мінскага звяза Св. Яна Паўла ІІ. Гэта быў час прыгод, выпрабавання, фармавання характару і радасці.
16 чэрвеня ва ўрачыстасць Найсвяцейшай Тройцы наша парафія прыняла чатырох новапасвечаных ксяндзоў Хрыстусоўцаў, якія атрымалі святарскія пасвячэнні 21 мая ў г. Познань у Польшчы. Некаторыя з іх неаднойчы наведвалі нашу парафію яшчэ будучы дыяканамі.
Дзякуючы валанцёрам JAN.BY упершыню ўрачыстасць Божага Цела ў Мінску транслявалася анлайн, прычым у поўным аб'еме – ад святой Імшы на Залатой Горцы да завяршэння Эўхарыстычнай працэсіі ў архікатэдральнага касцёла. Працэсія адбылася 2 чэрвеня. Прапануем да ўвагі запіс трансляцыі.
18 мая з нагоды заканчэння белага тыдня першакамунійныя дзеці і іх бацькі разам са святарамі і сёстрамі выехалі ў Жодзіна да Санктуарыя Маці Божай Фацімскай, каб скласці падзяку за дар Святой Камуніі і папрасіць Маці Божую аб апецы.
14 мая ў сядзібе Апостальскай нунцыятуры ў Мінску прайшла чарговая сустрэча прадстаўнікоў мужчынскіх і жаночых манаскіх інстытутаў і таварыстваў апостальскага жыцця ў Беларусі. Асноўнай мэтай гэтага аб'яднання, з’яўляецца больш эфектыўная каардынацыя дзейнасці паміж паасобнымі інстытутамі кансэкраванага жыцця і іерархамі Каталіцкага Касцёла.
У нядзелю 12 мая чатырнаццаць дзяцей нашай парафіі першы раз у паўнаце ўдзельнічалі ў Святой Імшы.
З 6 па 8 мая ў Шчучыне ў парафіі Св. Тэрэзы Авільскай праходзілі Дні моладзі Гродзенскай дыяцэзіі. Сустрэча, якая праходзіла пад дэвізам «Па прыкладу Марыі буду служыць Пану», сабрала больш за 1000 маладых людзей не толькі з Гродзенскай, але і іншых дыяцэзій. Восем хлопцаў і дзяўчат з нашай парафіі таксама прынялі ўдзел у гэтай падзеі.
Бежмаванне або канфірмацыя — адзін з трох сакрамэнтаў хрысціянскай ініцыяцыі, калі чалавек атрымлівае дар Духа Святога і свядома адказвае Богу «так». 5 мая 28 вернікаў з нашай парафіі, якія доўгі час рыхтаваліся да гэтага важнага кроку ў сваім жыцці, адказалі «так» на заклік Езуса быць Яго сведкамі.
Увечары 4 мая, напярэдадні ўдзялення сакрамэнту канфірмацыі кандыдаты да канфірмацыі, іх сведкі і блізкія маліліся на чуванні перад Найсвяцейшым Сакрамэнтам.
Вялікая пятніца – гэта дзень, у якім наш збаўца Езус Хрыстус, паміраючы на крыжы, прынёс на ім крывавую ахвяру ўміласціўлення Нябеснаму Айцу за грахі ўсіх людзей.
Дарагія сябры! Просім падтрымаць будаўніцтва нашага касцёла і дзейнасць парафіі. Шчыра дзякуем за дапамогу, молімся за ўсіх ахвярадаўцаў.
