Наталля Урбановіч

Матэрыялы гэтага аўтара:

 

Дарагія сябры, сёння мы хочам пазнаёміць вас з нашай парафіянкай Ірынай Адамаўнай Шаршун. Яна ўжо на пенсіі, але прымае актыўны ўдзел у жыцці парафіі. Спадарыня Ірына Адамаўна распавяла, якое для яе было гора, калі яе ў 8 класе не прынялі ў камсамол, як яна потым прыйшла да веры і чым зараз дапамагае ў парафіі.

 

18 мая з нагоды заканчэння белага тыдня першакамунійныя дзеці і іх бацькі разам са святарамі і сёстрамі выехалі ў Жодзіна да Санктуарыя Маці Божай Фацімскай, каб скласці падзяку за дар Святой Камуніі і папрасіць Маці Божую аб апецы.

 

У нядзелю 12 мая чатырнаццаць дзяцей нашай парафіі першы раз у паўнаце ўдзельнічалі ў Святой Імшы.

 

З 6 па 8 мая ў Шчучыне ў парафіі Св. Тэрэзы Авільскай праходзілі Дні моладзі Гродзенскай дыяцэзіі. Сустрэча, якая праходзіла пад дэвізам «Па прыкладу Марыі буду служыць Пану», сабрала больш за 1000 маладых людзей не толькі з Гродзенскай, але і іншых дыяцэзій. Восем хлопцаў і дзяўчат з нашай парафіі таксама прынялі ўдзел у гэтай падзеі.

 

14 красавіка, у Пальмовую нядзелю, каля капліцы адбыўся кірмаш, арганізаваны нашымі парафіянамі і душпастырамі з мэтай збору ахвяраванняў на будову касцёла. Вербны кірмаш праходзіў ужо чацвёрты раз.

 

З 26 па 28 сакавіка некалькі дзяўчат з нашай парафіі разам з сястрой Клярай удзельнічалі ў рэкалекцыях, якія праходзілі ў навагрудскім кляштары сясцёр назарэтанак. Сустрэча сабрала 50 дзяўчат з Гродна, Геранёнаў, Новага Двара, Войстама, Навагрудка, Маладзечна і Мінска. Дэвізам рэкалекцый сталі словы: «І кожны, хто пакліча імя Пана, будзе збаўлены!» (Дз 2, 21).

 

У ноч з 30 на 31 сакавіка ў архікатэдральным касцёле Імя Найсвяцейшай Панны Марыі прайшло велікапоснае моладзевае чуванне на тэму: «Грэх знявольвае, крыж вызваляе». У гэтым чуванні актыўны ўдзел прыняла моладзь нашай парафіі.

 

Трэццяя нядзеля Вялікага посту — Нядзеля Карытас. Слова Caritas азначае «міласэрная любоў». Caritas — гэта таксама назва каталіцкай дабрачыннай арганізацыі, якая дзейнічае па ўсім свеце. Валанцёры Карытас ёсць і ў нашай парафіі. Яны нясуць сваё ахвярнае служэнне, дапамагаючы людзям у розных патрэбах.

 

7 сакавіка ў нашай парафіі моладзь Мінска сабралася на адарацыі Найсвяцейшага Сакрамэнта, каб разам распачаць перыяд посту. Мэта спаткання была ў тым, каб дапамагчы маладым людзям добра выбраць пастановы на гэты перыяд і яшчэ раз затрымацца на хвіліны цішыні з Езусам. Разважанні і малітвы былі на тэму “Вялікі пост — вясна душы”.

 

У гэтым годзе 6 сакавіка — Папяльцовая серада, дзень з якога распачынаецца Вялікі пост — перыяд асаблівага пакаяння і аднаўлення жыцця.

 

30 снежня ў cвята Cвятой Cям’і пяць сужэнскіх пар з нашай парафіі склалі перад алтаром абяцанняе Богу і далучыліся да руху Equipes Notre-Dame – Суполак Маці Божай.

 

Напярэдадні Божага Нараджэння ўдзельнікі розных супольнасцяў парафіі збіраліся разам на калядныя сустрэчы каб падзяліцца адно з адным традыцыйнай аплаткай. Падчас гэтых сустрэч яны выказвалі шчырыя пажаданні, спявалі калядкі, віншавалі адно аднаго са святам Нараджэння нашага Збаўцы.

 

У ноч з 15 на 16 снежня ў архікатэдральным касцёле Імя Найсвяцейшай Панны Марыі прайшло моладзевае чуванне, у якім прыняла актыўны ўдзел наша моладзь.

 

6 снежня Касцёл адзначае літургічны ўспамін святога Мікалая. У гэты дзень святы Мікалай  завітаў з прывітальным словам да дзяцей і вернікаў парафіі. Пасля кароткай размоваы са святым Мікалаем дзеці атрымалі салодкі пачастунак.

 

25 лістапада  адзначалася ўрачыстасць Хрыста Валадара Сусвету. Гэты дзень — асабліва важны для нашых душпастыраў, таму што з'яўляецца галоўным святам манаскай супольнасці хрыстусоўцаў. Таксама ў гэтым годзе са святам супаў літургічны ўспамін благаслаўлёнай Францішкі Седліскай, якая заснавала кангрэгацыю сясцёр святога Сямейства з Назарэта.

 

25 лістапада міністранты і лектары нашай парафіі аднавілі абяцанні Літургічнай Службы Алтара і атрымалі ад кс. пробашча Алега пасведчанні на чарговы год службы. Аднаўленне абяцанняў адбылося ва ўрачыстасць Хрыста Валадара Сусвету. Хлопцы дзякавалі Богу за ласку паклікання да міністранцкага служэння, урачыста абяцалі выконваць сваю паслугу пабожна, старанна і радасна, на хвалу Божую і дзеля дабра парафіяльнай супольнасці.  

 

«На ўвесь свет ідзём і Хрыста нясём!» — пад такім дэвізам 18 лістапада ў парафіі адбыўся трэці Баль Усіх Святых. Кожны год ён праходіць пад рознай тэматыкай. Сёлета ён нёс місійны характар.

 

6 кастрычніка, 13 хлопцаў атрымалі благаслаўленне ксяндза Пробашча Алега на падрыхтоўку да ганаровай службы ля алтара, і два кандыдата склалі міністранцкія абяцанне.

 

5 кастрычніка, дзеці нашай парафіі сумесна далучыліся да Сусветнай Дзіцячай Эўхарыстычнай Святой Гадзіны, каб разам памаліцца ў інтэнцыі аб супакоі ў сем'ях і ва ўсім свеце. Натхненнем для набажэнства сталі словы Марыі, якія былі перададзены праз трох пастушкоў з Фацімы: «Маліцеся за мір і справядлівасць у свеце, каб спыніліся акты вайны і нянавісці».