Мікалай Новікаў
Першага мая адбыўся выезд нашых парафіянаў у Нацыянальны санктуарый, што ў Будславе. У гэты дзень сабраліся прадстаўнікі розных рухаў і супольнасцяў , каб разам маліцца, узаемна прэзентаваць рухі і ўзмацніцца ў веры.
31 сакавіка ўвечары распачалася Літургія Пасхальнай Вігіліі, напрыканцы якой усе вернікі гучна ўсклікалі: «Хрыстос уваскрос! Сапраўды ўваскрос!»
На мінулых выходных каталіцкія скаўты і скаўткі развозілі Бэтлеемскі агонь супакою па парафіях Беларусі. Скаўцкая супольнасць нашай парафіі прыняла ў тым непасрэдны ўдзел.
Ва ўрачыстасць Хрыста, Валадара сусвету, 26 лістапада 2023 года ў жыцці маладых вернікаў нашай парафіі адбылася важная падзея: 29 асоб прынялі сакрамэнт Канфірмацыі. Гэты сакрамэнт, які называюць таксама сакрамэнтам Бежмавання, сведчыць аб духоўнай сталасці вернікаў, што яны становяцца паўнапраўнымі членамі Каталіцкага Касцёла праз удзяленне Дару Духа Святога.
У нядзелю 14 мая адбылася вельмі важная і радасная падзея: маленькія вернікі нашай парафіі прыступілі першы раз у жыцці да Святой Камуніі і прынялі Цела Хрыста ў свае сэрцы!
Папа Францішак: «Уваскрасенне Хрыста — гэта сапраўдная надзея для свету. Гэта сіла пшанічнага зерня, моц любові, якая аддае сябе да канца і па-сапраўднаму абнаўляе свет».
У сераду, 5 красавіка, у нашай парафіі прайшоў скаўцкі крыжовы шлях. На набажэнства былі запрошаны ўсе ўдзельнікі скаўцкага руху, а таксама іх сем'і.
22 студзеня нашу парафію наведаў Апостальскі нунцый у Рэспубліцы Беларусь арцыбіскуп Антэ Ёзіч. Ён узначаліў Святую Імшу на 13:30.
15 студзеня ў нашай парафіі адбыўся чарговы Баль усіх святых пад назвай «Нараджэнне Езуса Хрыста было такім…». Гэта ўжо шосты баль, на якім можна было пабачыць святых розных стагоддзяў і добра правесці час разам.
Восьмага студзеня, у свята Хросту Езуса Хрыста, адбылася аплаткавая сустрэча ўдзельнікаў 30 пешай пілігрымкі Мінск – Будслаў. Пілігрымаў гасцінна прыняў кс. Францішак Рудзь, які ў прывітальным слове адзначыў: “Сімвалічна, што на аплаткавую сустрэчу пілігрымы сабраліся ў «кавалачку Будслава» ў Мінску – у касцёле Маці Божай Будслаўскай”.
21 лістапада 21 кандыдат атрымаў знак дару Духа Святога з рук арцыбіскупа Юзафа Станеўскага, Мітрапаліта Мінска-Магілёўскага. У гэты ж дзень Касцёл адзначаў урачыстасць Хрыста, Валадара Сусвету — патранальнае свята ксяндзоў хрыстусоўцаў, якія служаць у нашай парафіі.
23 лютага сапраўднае свята перажывалі хлопцы Літургічнай Службы Алтара (ЛСА) нашай парафіі: 10 кандыдатаў сталі міністрантамі, 13 юнакоў былі ўведзены ў паслугу лектараў, чацвёра лектараў перайшлі на наступную прыступку іерархіі, атрымаўшы залатыя крыжы, і яшчэ 10 хлопцаў сталі кандыдатамі ў міністранты. Астатнія аднавілі міністранцкія абяцанні.
Тысячы вернікаў па ўсёй Беларусі атрымалі магчымасць прынесці ў свой дом Агонь, які быў запалены ў далёкім Бэтлееме, мейсцы нараджэння нашага Збаўцы. Адбылося гэта дзякуючы каталіцкім скаўтам.
У межах Балю Усіх Святых, які адбыўся 17 лістапада, была паказана тэатральная пастаноўка пра апекуна нашай парафіі Максімільяна Марыя Кольбэ.
6 жніўня ў свята Перамянення Пана наша парафія гасціла ксяндза Францішка Галдыся, хрыстусоўца, які адзначыў 50-ці годдзе святарскіх пасвячэнняў. Святар 18 гадоў служыў у Беларусі ў вёсцы Суботнікі (Гродзенская дыяцэзія).
А вы калі-небудзь спалі на вышыні 4 метры ад зямлі на свежым паветры? Гатавалі аладкі на вогнішчы? Прачыналіся пад гук сапраўднага рога? А мы адкажам: так! З 13 па 21 ліпеня ў лесе пад Івянцом 13 скаўтак і 2 шэфы перажылі сапраўдную летнюю прыгоду.
19 мая ў нашай парафіі адзначылі завяршэнне чарговага фармацыйнага года. Найперш дзеці сабраліся на Святой Імшы. Надвор’е спрыяла, таму дзяцей чакала вясёлая гульня пад назвай JAN.BY.MINSK на стадыёне каля школы.
1 мая ў Нацыянальным санктуарыі Маці Божай Будслаўскай адбылася сустрэча прадстаўнікоў рухаў і супольнасцяў Касцёла на Беларусі. Ідэя арганізацыі такой сустрэчы з’явілася ў біскупа Юрыя Касабуцкага падчас аплатковых сустрэч з прадстаўнікамі розных рэлігійных груп.
Першая ўрачыстая святая Імша ў Велікодную нядзелю традыцыйна распачынаецца працэсіяй, у якой нясуць Найсвяцейшы Сакрамэнт і фігуру ўваскрослага Хрыста. Гэта так званая рэзурэкцыя (ад лац. уваскрасенне). Нягледзячы на неспрыяльны прагноз надвор'я, працэсія ўсё ж адбылася. Рэзурэкцыйную Імшу ўзначаліў кс. канонік Дзмітрый Пухальскі.
Дарагія сябры! Просім падтрымаць будаўніцтва нашага касцёла і дзейнасць парафіі. Шчыра дзякуем за дапамогу, молімся за ўсіх ахвярадаўцаў.
