Вітаем



Сёння мы распачалі час Адвэнту – час чакання на Прыйсце Пана, час падрыхтоўкі да ўрачыстасці Божага Нараджэння. Памятаем, што гэта час посту. На Адвэнт прынята рабіць пастановы. Заахвочваем таксама і вас прыняць на сябе постныя пастановы. Пастараймася напрацягу гэтага перыяда больш засяродзіцца над справамі нашага духоўнага жыцця. Належыць абмежаваць наш удзел у гучных забавах.



Чарговая прыгода нашых скаўтаў і скаўтак пачалася ноччу з 14 на 15 лістапада. Удзельнікаў выезда было няшмат, бо мерапрыемства планавалася толькі для шэфаў адзінак. Наперадзе чакаў доўгі шлях, Уроцлаў, дзе павінна было прайсці Міжнароднае кап’ё кап’явых, — гэта той яшчэ «блізкі свет».



Сёння мы спяшаемся пазнаёміць вас з новым тварам. Наша гераіня вясёлая і спрытная. Яна ніколі не журыцца. Пра такіх гавораць "энерджайзер", а ўсё таму, што яна вельмі любіць Бога і жыццё. Прапануем вашай увазе партрэт Ганны Лукомскай. Дарэчы, сёння ў яе дзень нараджэння!



Чацвёрты парафіяльны Баль Усіх Святых адбыўся ў мінулую нядзелю. Выбіраць святога, прыдумваць касцюм, ствараць малюнак — гэта ўжо традыцыйныя справы для дзяцей падчас восеньскіх канікул. А пакуль дзеці з дапамогай бацькоў рыхтаваліся і разам чакалі гэту незвычайную нядзелю, нашыя святары, сёстры і найактыўнейшыя парафіяне ладзілі сустрэчы, каб абмеркаваць тэму і дэвіз сёлетняга Балю.



У межах Балю Усіх Святых, які адбыўся 17 лістапада, была паказана тэатральная пастаноўка пра апекуна нашай парафіі Максімільяна Марыя Кольбэ.



Працягваем нашае знаёмства з парафіянамі, сёння з намі Дар’я Еўсікава.



Шчыра дзякуем ўсім за супольную малітву, за прыбіранне тэрыторыі і капліцы на працягу тыдня, за складзеныя ахвяраванні і за ўсялякую аказаную дапамогу. Асабліва дзякуем за ахвяры складзеныя на будову касцёла. Няхай вас Добры Бог узнагародзіць.



Сёння панядзелак, а гэта азначае, што мы пазнаёмім вас з цікавай і неардынарнай асобай. Яе ведаюць па-за межамі нашай парафіі. Яна вядома ў каталіцкіх кругах. Яе дзейнасць была звязана з гуртам «Рыбы» і з «Радыё Марыя». Яе імя — Алёна Кот. Ёй 29 год. Яна нарадзілася і жыве ў Мінску. Але аб усім па парадку...



Шчыра дзякуем ўсім за супольную малітву, за прыбіранне капліцы на працягу тыдня, за складзеныя ахвяраванні і за ўсялякую аказаную дапамогу. Асабліва дзякуем за ахвяры складаныя на будову касцёла. Няхай вас Добры Бог узнагародзіць.

На гэтым тыдні ў літургіі адзначаем:

  • 11 лістапада (панядзелак): успамін св. Марціна Турскага, біскупа
  • 12 лістапада (аўторак): свята св. Язафата, біскупа і мучаніка

Святы Язафат Кунцэвіч нарадзіўся ва Ўладзіміры–Валынскім каля 1580 года. На дваццатым годзе жыцця ён уступіў у Закон базыльянаў. У 1618 годзе стаў полацкім уніяцкім архібіскупам і самаахвярна працаваў над пашырэннем веры каталіцкага Касцёла. Аддаў жыццё за веру 12 лістапада 1623 года ў Віцебску. Астанкі знаходзяцца ў базыліцы святога Пятра ў Рыме.

16 лістапада (субота): успамін Найсвяцейшай Панны Марыі, Маці Міласэрнасці (Маці Божай Вострабрамскай).



У нядзелю 17 лістапада ў нашай парафіі адбудзецца IV Баль Усіх Святых. У гэтым годзе свята будзе праходзіць пад дэвізам «Верным хачу быць, каб святасць здабыць». Пачатак у 15.30. Месца правядзення: зала ў Чырвоным Касцёле. Абавязковы дрэс-код: пераапрануцца ў святых.

Дарагія сябры! Просім падтрымаць будаўніцтва нашага касцёла і дзейнасць парафіі. Шчыра дзякуем за дапамогу, молімся за ўсіх ахвярадаўцаў.