Цэтлік // Сям'я

Чарговы сужэнскі баль, арганізаваны нашай парафіяй, адбыўся ў Хрысціянскім цэнтры імя св. Уршулі 27 мая 2023 года. Але для мяне і майго сужонка гэта быў першы баль у жыцці. Гэта была нейкая казка, якую Бог падараваў 16 парам на паўдня. Таксама з намі быў наш пробашч кс. Алег Шпець, які распачаў гэты баль малітвай і патлумачыў, што і танцам мы можам праслаўляць Бога.

Метады распазнавання плоднасці (МРП) — гэта метады натуральнага планавання сям'і.

Пры парафіі існуе супольнасць Асацыяцыі Святой Сям’і з Назарэта. АСС з’яўляецца формай супрацоўніцтва і духоўнага абмену, якая ўзнікае паміж супольнасцю Сясцёр Найсвяцейшай Сям’і і чальцамі АСС, даючы апошнім магчымасць саліднай фармацыі і асабістых адносінаў з Богам.

5 чэрвеня ў парафіі св. Яна Евангеліста і св. Максімільяна Марыі Кольбэ восем сем’яў далучыліся да руху Equipes Notre-Dame (ЭНД). У прысутнасці пастыраў і прысутных на св. Імшы парафіянаў гэтыя сем’і прынялі «карту руху», прысвяцілі сябе Божаму Сэрцу, паабяцалі ўзяць Евангелле за канстытуцыю сваіх сем’яў. З гэтага моманту ў нашай парафіі дваццаць сем’яў належаць да гэтага руху.

Галоўная мэта руху Equipes Notre-Dame — дапамога хрысціянскім сем’ям найбольш поўна перажываць сакрамэнт шлюбу. Cем’і руху Equipes Notre-Dame імкнуцца жыць з Хрыстом, прызнаюць Яго Пастырам і Панам свайго сужэнства, а Яго Евангелле прымаюць за канстытуцыю сваёй сям’і.

Элегантныя мужчыны ў белых кашулях, прыгожыя жанчыны ў доўгіх, незвычайных сукенках, музыка вальса, якая зачароўвае, вясёлы, захапляльны галоп... На першы погляд здаецца, што здымаецца кіно, паказваючы, як прыгожа бавілі час нашы продкі ў мінулыя вякі. А на самой справе — гэта сужэнствы нашай парафіі пры падтрымцы фонду «Адкрытыя сэрцы» арганізавалі і правялі першы сапраўдны баль.

7 верасня беларускія сем’і адзначалі юбілей 15-годдзя заснавання Руха сужэнскай духоўнасці Equipes Notre – Dame (Суполкі Маці Божай) на Беларусі. Урачыстасці праходзілі ў Нясвіжы, дзе ў 2004 годзе сем’і стварылі першую суполку (экіпу).

1 мая ў Нацыянальным санктуарыі Маці Божай Будслаўскай адбылася сустрэча прадстаўнікоў рухаў і супольнасцяў Касцёла на Беларусі. Ідэя арганізацыі такой сустрэчы з’явілася ў біскупа Юрыя Касабуцкага падчас аплатковых сустрэч з прадстаўнікамі розных рэлігійных груп.

29 сакавіка (пятніца) а 18.00 гадзіне ў нашай парафіі распачнецца 24-х гадзінная адарацыя ў інтэнцыі абароны жыцця і сям'і. Першае такое набажэнства адбылося ў нас падчас адвэнту.

Роўна 80 гадоў таму ў Францыі адбылася першая сустрэча суполкі, на якой прысутнічалі ўсяго чатыры сужэнскія пары і святар. Зараз жа рух Équipes Notre-Dame (Суполак Маці Божай) распаўсюджаны амаль па ўсяму свету. Яго мэтай з'яўляецца паглыбленне сужэнскай духоўнасці, каб сем'і былі моцныя верай і дзеці выхоўваліся ў хрысціянскім духу.

30 снежня ў cвята Cвятой Cям’і пяць сужэнскіх пар з нашай парафіі склалі перад алтаром абяцанняе Богу і далучыліся да руху Equipes Notre-Dame – Суполак Маці Божай.

Айцы хрыстусоўцы прапануюць прыняць удзел у 24-х гадзіннай адарацыі ў інтэнцыі абароны жыцця і сям’і, а таксама дзеля перапрашэння за жудасныя грахі супраць жыцця і сям’і, якія здзяйсняюцца на нашай зямлі: аборт, кантрацэпцыя, штучнае апладненне, блуд, разводы, садомскі грэх, парнаграфія, знішчэнне цнатлівасці дзяцей. Адарацыя распачнецца Св. Імшой а 19.00 у чацвер, 20 снежня і скончыцца Св. Імшой а 19.00 у пятніцу, 21 снежня.

27 снежня падчас парафіяльнага свята ў мінскай парафіі Св. Яна Евангеліста і св. Максімільяна Кольбэ пяць сем’яў склалі ўрачыстыя абяцанні т.зв. карты руху «Equipes Notre-Dame», прыняўшы Евангелле за Канстытуцыю сваіх сем’яў. Раздзяліць радасць вернікаў прыбыў Мітрапаліт Мінска-Магілёўскі арцыбіскуп Тадэвуш Кандрусевіч.