29 сакавіка (пятніца) а 18.00 гадзіне ў нашай парафіі распачнецца 24-х гадзінная адарацыя ў інтэнцыі абароны жыцця і сям'і. Першае такое набажэнства адбылося ў нас падчас адвэнту.
Нашыя сем’і знаходзяцца пад няспынным ціскам шатлікіх пагрозаў, якія св. Ян Павел ІІ назваў «цывілізацыяй смерці». Сення Беларусь апынулася ў сусветных лідарах па колькасці разводаў, абортаў, венерычных захворванняў і алкагалізма. Сужэнская нявернасць і нячыстасць перад шлюбам сталіся нормай. З кожным годам расце адсотак бясплодных сужэнцаў.
Да таго ж, апошнія месяцы у Беларусі вельмі актывізаваліся актывісты гендернай ідэалогіі, якія свядома ці несвядома імкнуцца да знішчэння традыцыйных сямейных каштоўнасцей і прапаганды сексуальных вычварэнстваў. Выразна бачна, што гэтая рэчаіснасць мае свае карані ў глыбокім духоўным і маральным непарадку.
Такая сітуацыя патрабуе ад нас, хрысціян, пільнага адказу, і гэты адказ павінен быць у першую чаргу духоўным дзеяннем. Таму айцы хрыстусоўцы прапануюць прыняць удзел у 24-х гадзіннай адарацыі ў інтэнцыі абароны жыцця і сям’і, а таксама дзеля перапрашэння за грахі супраць жыцця і сям’і, якія здзяйсняюцца на нашай зямлі.
Праграма адарацыі:
29 сакавіка (пятніца)
- 18.00 – выстаўленне Найсвяцейшага Сакрамэнту
- 19.00 – Крыжовы шлях
- 20.00 – ружанец
- 20.30–22.00 – чуванне сем’яў (адказныя сем’і Суполкі Маці Божай)
- 22.30 – Св. Імша ў інтэнцыі абароны жыцця і сям'і
- 00.00–6.45 – асабістая малітва ў цішыні
30 сакавіка (субота)
- 06.45–07.45 – чуванне старэйшай моладзі (адказныя ДМХ „Адзіныя сэрцам”)
- 08.00 – Св. Імша, набажэнства да св. Міхала Арханёла
- 09.00 – ружанец (адказная І ружа)
- 09.30–11.00 – асабістая малітва ў цішыні
- 11.00–12.00 – чуванне дзяцей (1-8 клас)
- 12.00 – ружанец (адказная ІІ ружа)
- 12.30–14.00 – асабістая малітва ў цішыні
- 14.00–15.00 – чуванне моладзі (9-11 клас, адказны хор “Агапэ”)
- 15.00 – Вяночак да Божай Міласэрнасці
- 15.20–18.00 – асабістая малітва ў цішыні
- 18.00 – ружанец, набажэнства да св. Міхала Арханёла
- 19.00 – Св. Імша
