Вітаем



У Вялікі чацвер Імшою Вячэры Пана пачынаецца Святы Пасхальны Трыдуум. З самой назвы бачна, што ў гэтай літургічнай цэлебрацыі ўспамінаецца Апошняя Вячэра, падчас якой Хрыстус устанавіў Сакрамэнты Эўхарыстыі і Святарства, даючы вучням наказ аб братняй любові.



9 красавіка – ВЯЛІКІ ЧАЦВЕР (ІМША ВЯЧЭРЫ ПАНА)

  • Імша Святая Вячэры Панскай распачнецца ў 19.00 (транслюецца анлайн).
  • Пасля Імшы адарацыя Найсвяцейшага Сакрамэнту ў цямніцы да 22.00.

10 красавіка – ВЯЛІКАЯ ПЯТНІЦА МУКІ ПАНА

  • У 18.30 Крыжовы шлях (транслюецца анлайн).
  • Пасля яго заканчэння распачнецца Літургія Вялікай Пятніцы: чытанне Мукі Пана, адарацыя Крыжа, Святая Камунія (транслюецца анлайн).
  • На заканчэнне адарацыя Найсвяцейшага Сакрамэнту пры Гробе Пана да 22.00.

11 красавіка – ВЯЛІКАЯ СУБОТА

  • Капліца будзе адчынена ў 9.00 і распачнецца адарацыя Найсвяцейшага Сакрамэнту.
  • Асвячэнне страваў (звонку капліцы) на Вялікодны стол будзе адбывацца з 9.00 да 17.00 кожныя поў гадзіны.
  • Пасхальная Вігілія распачнецца ў нашай капліцы ў 21.00 (транслюецца анлайн). На гэтую ўрачыстую Святую Імшу калі ласка ўзяць з сабою свечкі.
  • Пасля Пасхальнай Вігіліі чуванне і адарацыя Найсвяцейшага Сакрамэнту праз усю ноч.

12 красавіка – ВЯЛІКОДНАЯ НЯДЗЕЛЯ
УРАЧЫСТАСЦЬ ЗМЁРТВЫХПАЎСТАННЯ ПАНА

  • Урачыстая працэсія і Святая Імша РЭЗУРЭКЦЫЙНАЯ ў 6.00 (транслюецца анлайн).
  • Наступныя Імшы ў 10.30, 12.00 (транслюецца анлайн) і 13.30.

13 красавіка – ВЕЛІКОДНЫ ПАНЯДЗЕЛАК

  • 12.00, 19.00 — святая Імша

Усе цэлебрацыі Пасхальнага трыдуума і Вялікадня будуць адбывацца звонку капліцы, г.з. на вуліцы на адкрытым паветры.



— Гэта ўсё мне нагадвае фільм «Інтэрв’ю з Богам», — пачаў гаворку Даніэль. — Чаму? — «Усё будзе запісвацца на дыктафон, таму ніякай няпраўды», — падобная фраза была на пачатку фільма, ну і можа таму, што я ніколі не даваў інтэрв’ю.



5 красавіка – Вербная альбо Пальмовая нядзеля – дзень у якім мы ўспамінаем трыумфальны ўваход Езуса Хрыста ў Ерузалем. Як піша eвангеліст, людзі з натоўпу, якія віталі Хрыста, «слалі адзенне сваё на дарозе, а іншыя — галінкі, зрэзаныя на палях. І тыя, хто ішоў спераду і следам за Ім, усклікалі: Гасанна! Благаслаўлёны той, хто прыходзіць у Імя Пана» (Мк 11, 1–10).



Шчыра дзякуем усім за супольную малітву, за прыбіранне капліцы і падрыхтоўку тэрыторыі вакол капліцы на Вялікі тыдзень, за складзеныя ахвяраванні і за ўсялякую аказаную дапамогу. Дзякуем нашым парафіянам якія падрыхтавалі для нас з вамі прыгожыя вербы. Асабліва дзякуем за ахвяры складзеныя на будову касцёла. Няхай вас Добры Бог узнагародзіць.



5 красавіка меўся адбыцца традыцыйны Вербны кірмаш, мэта якога, як і ў мінулыя гады, — сабраць сродкі на будаўніцтва новай святыні. Але ў сувязі са складанымі эпідэміялагічнымі ўмовамі кірмаш быў адменены. Тым не менш, будаўніцтва трывае, а мы вырашылі даведацца, што зараз з ім: у якой яно стадыі, што зроблена, што засталося зрабіць? Дапамагаў нам у гэтым разабрацца наш пробашч кс. Алег Шпець SChr .



Сёння, у чарговы панядзелак, мы бліжэй пазнаёмімся з асобай, якую бясспрэчна можна назваць сапраўдным творцам, натхняльнікам і скарбніцай iдэй. Гэта — Любоў Пукіта.



Шчыра дзякуем ўсім за супольную малітву, за прыбіранне капліцы, за складзеныя ахвяраванні і за ўсялякую аказаную дапамогу. Асабліва дзякуем за ахвяры складзеныя на будову касцёла. Няхай вас Добры Бог узнагародзіць.



У сэрцы яшчэ прыемны смак рэкалекцый, у галаве рэхам гучаць думкі, якія на працягу трох дзён кіраваў да нас кс. Юрый Пракапюк, з якім сёння крыху бліжэй хочам вас пазнаёміць.



Давайце знаёміцца: Кацярына Ваяводская — наша парафіянка, маці двух дзетак, юрысконсульт, разам з мужам належыць да руху ЭНД і , як яна сама кажа, шчаслівы ў сваёй сям'і чалавек.

Дарагія сябры! Просім падтрымаць будаўніцтва нашага касцёла і дзейнасць парафіі. Шчыра дзякуем за дапамогу, молімся за ўсіх ахвярадаўцаў.