Навіны і аб’явы



14 верасня мы адзначаем 5 год служэння хрыстусоўцаў у Мінску. Віншуем кс. Алега і кс. Уладзіміра. Дзякуем за іх служэнне! Запрашаем усіх на Імшу ў нядзелю а 12 гадзіне ў капліцу, будзем маліцца за нашых ксяндзоў.

Чаму варта маліцца за святароў? Кожны з нас дакранаецца да дара святарства праз прыманне Святых Сакрамантаў. Але ж мы не толькі атрымліваем Хрост, адпушчэнне грахоў, Святую Камунію і намашчэнне хворых, але вялікую моц мае благаслаўленне, важным для нашага духоўнага развіцця з’яўляюцца словы, якія мы чуем падчас казанняў і катэхез.



4 верасня адбыўся мастар-клас па журналістыцы. Удзельнікі даведаліся чым адрозніваюцца інфармацыйныя, аналітычныя і мастацкія публікацыі, разгледзелі некаторыя жанры, больш падрабязна спыніліся на спецыфіцы працы ў інфармацыйнай галіне, разважалі як павысіць якасць і прадуктыўнасць сваёй працы на Jan.by. Коўчам нашай сустрэчы стаў спадар Віталь Палінеўскі.



7 верасня ў Тракелях адбылася сустрэча шэфаў-скаўтак Беларусі, падчас якой удзельнікі падвялі вынікі мінулага скаўцкага года і абмяркавалі планы на новы.



7 верасня беларускія сем’і адзначалі юбілей 15-годдзя заснавання Руха сужэнскай духоўнасці Equipes Notre – Dame (Суполкі Маці Божай) на Беларусі. Урачыстасці праходзілі ў Нясвіжы, дзе ў 2004 годзе сем’і стварылі першую суполку (экіпу) .



Дарагія сябры, сёння мы хочам пазнаёміць вас з нашай парафіянкай Ірынай Адамаўнай Шаршун. Яна ўжо на пенсіі, але прымае актыўны ўдзел у жыцці парафіі. Спадарыня Ірына Адамаўна распавяла, якое для яе было гора, калі яе ў 8 класе не прынялі ў камсамол, як яна потым прыйшла да веры і чым зараз дапамагае ў парафіі.



Шчыра дзякуем ўсім за супольную малітву, за прыбіранне капліцы, за складзеныя ахвяраванні і за ўсялякую аказаную дапамогу. Асабліва дзякуем за ахвяры складзеныя на будову касцёла. Няхай вас Добры Бог узнагародзіць. На гэтым тыдні ў літургіі адзначаем: 12 верасня (чацвер) успамін Найсвяцейшага Імя Марыі Імяніны Божай Маці, у гэты дзень праслаўляем Яе імя «Марыя», якое, паводле традыцыі, Яна атрымала на чацвёрты дзень пасля свайго нараджэння. Гэтае імя ад пачатку хрысціянства з вялікай пашанай вымаўлялася побач з іменем Езуса. Імя Марыі заклікалі, просячы Яе аб дапамозе і заступніцтве. Парафільная ўрачыстасць у Мінскам архікатэдральнам Касцёле.



Ад 9 верасня распачынаюцца заняткі па катэхезе, а таксама сустрэчы розных парафіяльных суполак. Калі ласка, азнаёмцеся з раскладам.



6 верасня адарацыя пачнецца пасля святой Імшы на 19.00 і працягнецца да 8-й гадзіны раніцы. Падобныя набажэнствы ў нас праводзіліся некалькі разоў: падчас адвэнту, Вялікага посту і на пачатку лета. Цяпер яны стануць рэгулярнымі.