Навіны і аб’явы



Дарагія Парафіяне, Шаноўныя Госці! Шчыра дзякуем за супольную малітву, за складзеныя ахвяраванні, за ўсялякую аказаную дапамогу і служэнне асабліва падчас Святога Пасхальнага Трыдуум (Сёстры, ЛСА, хор, валанцёры). Дзякуем нашым парафіянам якія на мінулым тыдні падрыхтавалі велікодны КІРМАШ, прыгожыя вербы і шмат розных прыгожых і карысных рэчаў, а таксама смачных вырабаў, таксама дзякуем за ахвяраванні складзеныя на будову касцёла. Няхай вас Добры Бог узнагародзіць сваім благаслаўленнем і напаўняе вашыя сэрцы патрэбнымі ласкамі.





Ад вячэрніка праз Крыж і цішыню Гроба Касцёл вядзе нас да Вялікай ночы Уваскрасення.



Крыж — знак веры і надзеі. Надзея — гэта давер Богу, гэта крыж, крыж, які прыняў Езус. Нясенне крыжа баліць, бо гэта боль, цярпенне, смутак. Каб увайсці ў разуменне надзеі, трэба ўзяць крыж у сваім жыцці. Бог пытаецца ў нас сёння: "Ці ўзяў ты свой крыж?"



Літургія Слова запрашае нас у Вячэрнік, каб разам з Езусам спажыць пасху па габрэйскіх звычаях. У нашым Вячэрніку, каплічцы, таксама можна заўважыць знакі сённяшняга дня — пусты табернакулюм, а потым адбудзецца абмыванне ног і перамяненне хлеба ў Цела Езуса.



Літургія пачалася з працэсіі з галінкамі. Цэнтральнае месца ў Літургіі займае чытанне Мукі Пана (паводле Лукі ў гэтым годзе). Пачатак Вялікага тыдня рыхтуе нас да святкавання Мукі, Смерці і Уваскрасення Езуса Хрыста.



9.15 - Ютрань і Гадзіна чытанняў (брэвіярый)
10.00 - школьная моладзь (адказны хор Agape)
11.00 - малітва ў цішыні
12.00 - дзеці (адказны ЭРМ)
13.00 - малітва ў цішыні
14.00 - Жывы Ружанец і Маці ў малітве
15.00 – другі дзень навэнны, Вяночак да Божай Міласэрнасці і Адарацыя ў цішыні
16.00 - ДМХ ’’Адзіныя сэрцам’’

ЛСА - увесь дзень паводле графіка

17.15 - прыбіранне і падрыхтоўка капліцы да Вігіліі Пасхальнай

Асвячэнне страваў з 9.00 да 17.00 - кожную гадзіну





З 3 да 6 красавіка ў нашай парафіі праводзіліся велікапосныя рэкалекцыі. Іх праводзіў ксёндз Ян Раманоўскі, які нясе служэнне прэфекта ў Міждыяцэзіяльнай вышэйшай духоўнай семiнарыі ў Гродне.



Дарагія Парафіяне, Шаноўныя Госці! Шчыра дзякуем за супольную малітву, за складзеныя ахвяраванні, якія сёння прызначаюцца на патрэбы Міждыяцэзіяльнай Духоўнай Семінарыі ў Гродне, за ўсялякую аказаную дапамогу і служэнне, Дзякуем нашым парафіянам якія падрыхтавалі велікодны КІРМАШ, прыгожыя вербы і шмат розных прыгожых і карысных рэчаў, а таксама смачных вырабаў, таксама дзякуем за ахвяраванні складзеныя на будову касцёла. Няхай вас Добры Бог узнагародзіць сваім благаслаўленнем і напаўняе вашыя сэрцы патрэбнымі ласкамі.

Дарагія сябры! Просім падтрымаць будаўніцтва нашага касцёла і дзейнасць парафіі. Шчыра дзякуем за дапамогу, молімся за ўсіх ахвярадаўцаў.