Таццяна Мазун

Матэрыялы гэтага аўтара:

 

“Скаўтынг – гэта прыгода!” – гэтыя словы – першае, што я памятаю, калі ўзгадваю знаёмства са скаўтынгам, якое адбылося, калі каталіцкія скаўткі апавядалі нашым парафіянам пра свой стыль жыцця. Тады я глядзела на іх і дакладна ведала, што гэта – не маё. І вось прайшло з таго моманту амаль чатыры гады і я – дружыновая 2-й Мінскай дружыны св. Барбары.

 

Першая ўрачыстая святая Імша ў Велікодную нядзелю традыцыйна распачалася працэсіяй з Найсвяцейшым Сакрамэнтам і фігурай ўваскрослага Хрыста. Гэта так званая рэзурэкцыя (ад лац. уваскрасенне).

 

27 снежня ў свята святога Яна Евангеліста ў нашай парафіі адбылася ўрачыстая адпустовая святая Імша, якую цэлебраваў Мітрапаліт Мінска-Магілёўскі арцыбіскуп Тадэвуш Кандрусевіч.

 

22 снежня – напярэдадні свята Божага Нараджэння напрацягу ўсяго дня людзі нашай парафіі прыбывалі ў залу, дзе іх чакалі святары з добрым настроем, каляднымі спевамі і сімвалам надыходзячага свята – белым хлебам.

 

Чацвёрты парафіяльны Баль Усіх Святых адбыўся ў мінулую нядзелю. Выбіраць святога, прыдумваць касцюм, ствараць малюнак — гэта ўжо традыцыйныя справы для дзяцей падчас восеньскіх канікул. А пакуль дзеці з дапамогай бацькоў рыхтаваліся і разам чакалі гэту незвычайную нядзелю, нашыя святары, сёстры і найактыўнейшыя парафіяне ладзілі сустрэчы, каб абмеркаваць тэму і дэвіз сёлетняга Балю.

 

Сёння мы пазнаёмім вас не з адной асобай з нашай парафіі, але з дзвума адразу. Чаму? Мы шчаслівыя прадставіць вам гісторыю новай маладой каталіцкай сям’і, якая пачала сваё існаванне 28 верасня 2019 года шлюбам у нашай каплічцы. Гэтае сужэнства ўтварылі двое нашых парафіянаў – Вадзім Бачкоўскі і Вольга Пашкевіч.

 

У нядзелю 1 верасня на кожнай Святой Імшы святары асаблівым чынам віталі дзяцей, сясцёр, катэхетаў, настаўнікаў і ўсіх людзей, якія прычыняюцца да фармацыі будучыні нашага Касцёла.

 

7 верасня ў Тракелях адбылася сустрэча шэфаў-скаўтак Беларусі, падчас якой удзельнікі падвялі вынікі мінулага скаўцкага года і абмяркавалі планы на новы.

 

14 жніўня Каталіцкі Касцёл адзначае ўспамін святога Максімільяна Кольбэ – аднаго з апякуноў нашай парафіі. Адпустовую святую Імшу ўзначаліў ксёндз Артур Ляшнеўскі, салезіянін, які нядаўна атрымаў святарскае пасвячэнне. Пасля Літургіі новапрэзбітар удзяліў вернікам прыміцыйнае благаслаўленне.

 

Дарагія сябры! Просім падтрымаць будаўніцтва нашага касцёла і дзейнасць парафіі. Шчыра дзякуем за дапамогу, молімся за ўсіх ахвярадаўцаў.