Цэтлік // Фота

Штогод 25 сакавіка, калі ў Касцёле адзначаецца урачыстасць Звеставання Пана, каталіцкія скаўткі і скаўты моляцца за Федэрацыю Еўрапейскага Скаўтынга.

Трэццяя нядзеля Вялікага посту — Нядзеля Карытас. Слова Caritas азначае «міласэрная любоў». Caritas — гэта таксама назва каталіцкай дабрачыннай арганізацыі, якая дзейнічае па ўсім свеце. Валанцёры Карытас ёсць і ў нашай парафіі. Яны нясуць сваё ахвярнае служэнне, дапамагаючы людзям у розных патрэбах.

7 сакавіка ў нашай парафіі моладзь Мінска сабралася на адарацыі Найсвяцейшага Сакрамэнта, каб разам распачаць перыяд посту. Мэта спаткання была ў тым, каб дапамагчы маладым людзям добра выбраць пастановы на гэты перыяд і яшчэ раз затрымацца на хвіліны цішыні з Езусам. Разважанні і малітвы былі на тэму “Вялікі пост — вясна душы”.

У гэтым годзе 6 сакавіка — Папяльцовая серада, дзень з якога распачынаецца Вялікі пост — перыяд асаблівага пакаяння і аднаўлення жыцця.

Роўна 80 гадоў таму ў Францыі адбылася першая сустрэча суполкі, на якой прысутнічалі ўсяго чатыры сужэнскія пары і святар. Зараз жа рух Équipes Notre-Dame (Суполак Маці Божай) распаўсюджаны амаль па ўсяму свету. Яго мэтай з'яўляецца паглыбленне сужэнскай духоўнасці, каб сем'і былі моцныя верай і дзеці выхоўваліся ў хрысціянскім духу.

16 лютага ў парафіі Св. Яна Хрысціцеля (м-н Серабранка), прайшла сустрэча для моладзі, якая жыве і вучыцца ў сталіцы нашай краіны. Сваімі ўражаннямі падзяліўся наш парафіянін Дзяніс Угарэнка, удзельнік Душпастырства Моладзі Хрыста „Адзіныя сэрцам”.

17 лютага ў цэнтры Caritas у пасёлку Ляскоўка адбылася сустрэча валанцёраў гэтай дабрачыннай арганізацыі. На сустрэчы сабраліся прадстаўнікі розных кірункаў валанцёрскай дзейнасці. Аддзяленне Саritas парафіі Св. Яна Евангеліста і св. Максімільяна Кольбэ прадставілі Паліна Ручан, Паліна Маісеева і Паліна Івашкевіч.

Гэтым разам, тры кап'і – Сойка, Вавёрка і Ваўчыца, даследавалі прыгожы горад на ўсходзе Беларусі – Магілёў. 1-3 лютага нас гасцінна прыняла катэдральная парафія на чале з пробашчам кс. Віталіем Маргуновым. А начавалі скаўткі ў сапраўднай вежы!

Скаўтынг — гэта вялікая прыгода. А прыгоды любяць не толькі падлеткі, але і меншыя дзеці. Таму ў скаўтынгу існуюць адгалінаванні для узросту 8-12 гадоў. Для хлопцаў — гэта «ваўчаняты», для дзяўчынак — «Божыя кароўкі». 26 студзеня прайшла чарговая зборка «ваўчанят». Пад кіраўніцтвам свайго Акелы, нашай парафіянкі Аксаны Ючкавіч, яны пазнавалі джунглі.

28 студзеня прайшоў майстар-клас па фатаграфіі. Праводзіў яго фотажурналіст Віталій Палінеўскі, супрацоўнік каталіцкага партала Catholic.by. Майстар-клас быў прызначаны для групы моладзі, якая ўваходзіць у склад рэдакцыі сайта JAN.BY, але іншыя парафіяне таксама мелі магчымасць далучыцца.

30 снежня ў cвята Cвятой Cям’і пяць сужэнскіх пар з нашай парафіі склалі перад алтаром абяцанняе Богу і далучыліся да руху Equipes Notre-Dame – Суполак Маці Божай.

Традыцыйна на Каляды дзеці паказваюць батлейку - тэатральную сцэнку па евангельскіх матывах Божага Нараджэння. Сёлета да акторскага складу далучыліся і дарослыя. А вось ролю нованароджанага Езуса сыграла сапраўднае немаўля - маленькі Габрыэль.

Напярэдадні Божага Нараджэння ўдзельнікі розных супольнасцяў парафіі збіраліся разам на калядныя сустрэчы каб падзяліцца адно з адным традыцыйнай аплаткай. Падчас гэтых сустрэч яны выказвалі шчырыя пажаданні, спявалі калядкі, віншавалі адно аднаго са святам Нараджэння нашага Збаўцы.

Хвала на вышынях Богу, а на зямлі супакой людзям добрай волі! Прапануем вашай увазе фотарэпартаж з Імшы Пастэркі для дзяцей.

22 снежня скаўты нашай парафіі прынеслі Бэтлеемскі агонь ў мінскую архікатэдру. Яго сустракаў дапаможны біскуп Мінска-Магілёўскай архідыяцэзіі Юрый Касабуцкі.

У ноч з 15 на 16 снежня ў архікатэдральным касцёле Імя Найсвяцейшай Панны Марыі прайшло моладзевае чуванне, у якім прыняла актыўны ўдзел наша моладзь.

6 снежня Касцёл адзначае літургічны ўспамін святога Мікалая. У гэты дзень святы Мікалай  завітаў з прывітальным словам да дзяцей і вернікаў парафіі. Пасля кароткай размоваы са святым Мікалаем дзеці атрымалі салодкі пачастунак.

25 лістапада  адзначалася ўрачыстасць Хрыста Валадара Сусвету. Гэты дзень — асабліва важны для нашых душпастыраў, таму што з'яўляецца галоўным святам манаскай супольнасці хрыстусоўцаў.

Таксама ў гэтым годзе са святам супаў літургічны ўспамін благаслаўлёнай Францішкі Седліскай, якая заснавала кангрэгацыю сясцёр святога Сямейства з Назарэта.

25 лістапада міністранты і лектары нашай парафіі аднавілі абяцанні Літургічнай Службы Алтара і атрымалі ад кс. пробашча Алега пасведчанні на чарговы год службы.

Аднаўленне абяцанняў адбылося ва ўрачыстасць Хрыста Валадара Сусвету. Хлопцы дзякавалі Богу за ласку паклікання да міністранцкага служэння, урачыста абяцалі выконваць сваю паслугу пабожна, старанна і радасна, на хвалу Божую і дзеля дабра парафіяльнай супольнасці.  

«На ўвесь свет ідзём і Хрыста нясём!» — пад такім дэвізам 18 лістапада ў парафіі адбыўся трэці Баль Усіх Святых. Кожны год ён праходіць пад рознай тэматыкай. Сёлета ён нёс місійны характар.