Марцін Палінеўскі
Жыццё мае ўласцівасць бесперапынна змяняцца, набываць новыя формы. Таксама з ім змяняемся і мы, прызвычайваемся да новых абставінаў, прымаем “правілы гульні”, якія з цягам часу ўжо не здаюцца такімі дзіўнымі. У чымсьці гэта кранаецца і жыцця Касцёла: вернікаў ужо не здзівіш трыма пастэркамі і анлайн-трансляцыяй, а немагчымасць паставіць традыцыйнае батлейнае прадстаўленне або сустрэцца, каб паламацца аплаткам, успрымаецца ўжо спакайней, змушае шукаць новы, можа нават больш глыбокі спосаб перажыць гэтыя моманты ў вузкім коле родных і блізкіх.
З-за каранавіруса могуць закрыць межы, увесці масачны рэжым, забараніць канцэрты і абмежаваць паходы ў кафэ. Некаторыя нават кажуць: свет у гэтым годзе спыніўся. Але нязменным на працягу доўгага часу застаецца адно — Нараджэнне Езуса Хрыста.
4 кастрычнiка ва ўспамiн святога Францiшка з Асiзi, апекуна ўciх Божых Каровак, якi вельмi блiзкi скаўтынгу сваёю любоўю да навакольнага свету, радасным духам, пакорай, служэннем Богу i людзям, 2-я Мiнская дружына святой Барбары адзначыла гадавiну свайго iснавання. Падчас Святой Лiтургii мы дзякавалi за ўсіх у дружыне: Божую Кароўку, скаўтку, праваднiцу, шэфаў, душпастыраў, бацькоў. Пасля адбылiся прыгожыя, значныя цырымонii.
Кожны тыдзень «Біблійныя сустрэчы» збіраюць тых, хто любіць Біблію і хоча лепей разумець Божае слова. Сустрэчы праводзіць сястра Кляра Волчак CSFN. Прапануем кароткае відэа, у якім распавядаецца як адбываюцца гэтыя сустрэчы, а ўдзельнікі дзеляцца ўласным досведам. Запрашаем не толькі паглядзець відэастужку, але і далучыцца да Біблійных сустрэч.
Дарагія сябры! Просім падтрымаць будаўніцтва нашага касцёла і дзейнасць парафіі. Шчыра дзякуем за дапамогу, молімся за ўсіх ахвярадаўцаў.
