2 красавіка ад 8.30 да 18.00, у Пальмовую нядзелю, каля капліцы на Матусевіча, 80 адбудзецца V дабрачынны кірмаш.

Як заўсёды, на ім будуць прадстаўлены розныя вырабы, зробленыя рукамі нашых парафіянаў, — ад печыва і вербачак да вырабаў з керамікі і вышыванак. Арганізатары праявілі крэатыўнасць і абяцаюць шмат прыемных сюрпрызаў. На кірмашы таксама можна будзе пачаставацца супам ад арцыбіскупа Тадэвуша.

Дзецям будзе прапанавана спецыяльная праграма.

Таксама будзе праводзіцца бяспройгрышная латарэя, якая звычайна выклікае вялікую зацікаўленасць, бо на ёй можна выйграць вельмі прыемныя і каштоўныя прызы. Розыгрыш суперпрызоў адбудзецца а 15.30.

Асабліва звяртаем увагу на магчымасць трапіць у спіс ганаровых ахвярадаўцаў. Для гэтага прапаноўваецца набыць 1 квадратны метр сцяны нашай будучай святыні (ахвяра — 250 бел. рублёў). Ганаровыя ахвярадаўцы атрымліваюць адпаведны сертыфікат, за ўсіх ахвярадаўцаў штомесяц цэлебруецца Святая Імша.

Усе ахвяраванні, сабраныя падчас кірмашу, будуць накіраваныя на будаўніцтва парафіяльнага касцёла.