25 ліпеня Касцёл адзначае ўспамін святога Крыштафа — апекуна вадзіцеляў і падарожнікаў. Згодна з традыцыей з гэтай нагоды у нядзелю адбылося благаслаўленне вадзіцеляў і транспартных сродкаў.

«Божа, дай мне ўпэўненую руку і зоркае вока, каб я нікому не прычыніў шкоды ў дарозе. Даўца жыцця, не дазволь, каб я стаў прычынаю смерці альбо прычынаю калецтва тых, каму Ты даў жыццё. Захавай, Пане, ад няшчасных выпадкаў тых, хто падарожнічае са мною. Навучы мяне карыстацца аўтамабілем для дабра маіх бліжніх і стрымай спакусу празмернай хуткасці. Учыні, каб хараство свету, створанага Табою, і радасць Тваёй ласкі заўсёды мне спадарожнічалі», — гаворыцца ў малітве вадзіцеля.