Шчыра дзякуем усім за супольную малітву, за складзеныя сёння ахвяраванні і за ўсялякую аказаную дапамогу. Асабліва дзякуем за ахвяраванні на будову касцёла. Дзякуем нашым парафіянам якія падрыхтавалі для нас з вамі прыгожыя вербы. Таксама шчыра дзякуем сем’ям Суполкі Маці Божай і усім парафіянам якія прычыніліся да арганізацыі вялікоднага КІРМАША. Няхай вас Добры Бог узнагародзіць.
ВЯЛІКІ ЧАЦВЕР – ІМША ВЯЧЭРЫ ПАНА (24 САКАВІКА)
Літургія Вялікага чацвярга нагадвае Апошнюю Вячэру, калі Езус устанавіў сакрамэнт Эўхарыстыі.
Паводле традыцыі ў гэты дзень адбываецца абрад абмывання ног дванаццаці мужчынам на ўспамін таго, што Езус перад Апошняй Вячэрай абмыў ногі сваім вучням. Гэты абрад сімвалізуе служэнне і любоў Хрыста, які прыйшоў не дзеля таго, каб Яму служылі, але дзеля таго, каб служыць іншым.
Імша Святая Вячэры Панскай распачнецца ў 19.00.
Пасля Імшы адарацыя Найсвяцейшага Сакрамэнту ў цямніцы да 22.00.
ВЯЛІКАЯ ПЯТНІЦА МУКІ ПАНА (25 САКАВІКА)
У гэты дзень, а таксама ў наступны, згодна са старадаўняй традыцыяй, Касцёл не ўдзяляе ніякіх сакрамэнтаў, акрамя пакаяння (споведзь) і намашчэння хворых. У другой палове дня цэлебруецца літургія Мукі Пана, цэнтральнай часткай якой з’яўляецца адарацыя святога Крыжа. Пасля адарацыі і святой Камуніі Найсвяцейшы Сакрамэнт пераносіцца ў прыгожа аздобленую сімвалічную грабніцу.
У 18.30 Крыжовы шлях.
19.00 — літургія Мукі Пана і адарацыя крыжа. На заканчэнне адарацыя Найсвяцейшага Сакрамэнту пры Гробе Пана да 22.00.
Вялікая Пятніца – дзень сціслага посту. Ахвяраванні сабраныя падчас адарацыі Крыжа Пана ў Вялікую Пятніцу прызначаюцца на патрэбы Гробу Пана ў Святой Зямлі.
ВЯЛІКАЯ СУБОТА (26 САКАВІКА)
У Вялікую суботу Касцёл прабывае каля Гробу Пана, разважае пра муку і смерць Хрыста, Яго сыходжаннем у адхлань (месца знаходжання памерлых, куды, згодна са Святым Пісаннем, сышоў Езус Хрыстус перш, чым уваскрэснуць), у малітве і посце чакае Яго ўваскрасення. У гэты дзень не цэлебруецца святая Імша.
Капліца будзе адчынена ў 9.00 і распачнецца адарацыя Найсвяцейшага Сакрамэнту.
Асвячэнне страваў на Вялікодны стол будзе адбывацца кожную гадзіну ў 10.00, 11.00, 12.00,13.00, 14.00, 15.00, 16.00 і 17.00
Асабліва запрашаем ўсіх Вас на 10.00 а гэтай гадзіне да нас прыедзе ксёндз Арцыбіскуп Тадэвуш Кандрусевіч.
Пасхальная Вігілія з’яўляецца цэнтрам Святога Пасхальнага Трыдуума. У ноч з суботы на нядзелю паводле найстаражытнейшай традыцыі адбываецца чуванне (лац. вігілія) на ўшанаванне Пана. Адзначэнне Пасхальнай Вігіліі — гэта ўжо святкаванне Вялікадня.
Пасхальная Вігілія распачнецца ў нашай капліцы ў 21.00.
На гэтую ўрачыстую Святую Імшу калі ласка вазміце з сабою свечкі.
Пасля Пасхальнай Вігіліі чуванне і адарацыя Найсвяцейшага Сакрамэнту праз усю ноч.
ВЯЛІКОДНАЯ НЯДЗЕЛЯ – УРАЧЫСТАСЦЬ ЗМЁРТВЫХПАЎСТАННЯ ПАНА (27 САКАВІКА)
Урачыстая працэсія і Святая Імша РЭЗУРЭКЦЫЙНАЯ ў 6.00.
10.30 і 12.00 — урачыстыя святыя Імшы
ВЕЛІКОДНЫ ПАНЯДЗЕЛАК (28 САКАВІКА)
12.00, 19.00 — святая Імша
1. У панядзелак, аўторак і сераду можна скарыстаць з Сакрамэнту Пакуты, прыступіць да споведзі, перад кожнай Святой Імшой, а таксама пасля св. Імшы.
2. Можна складаць ахвяраванні на кветкі да спецыяльных скарбонкаў.
3. У гэтым годзе урачыстасць Звеставанне Пана перанесена на 4 красавіка.
4. У сувязі з канікуламі на гэтым тыдні не будзе катэхезы.
5. Кожны аўторак у капліцы а 19 гадзіне адбываецца набажэнства праз заступніцтва святога Антонія Падуанскага. Кожную сераду запрашаем на набажэнства да св. Юзафа.
6. Усім Юбілятам і Імяніннікам надыходзячага тыдня складаем найлепшыя пажаданні здароўя, супакою ў вашых сэрцах і вашых сем’ях, а таксама шматлікіх Божых ласкаў.
