Шчыры дзякую ўсім за супольную малітву і вашыя ахвяры. Асаблівым чынам дзякую за првгатаванне нашай капліцы да надзельнай святой Імшы, за прыбіранне і ўпрыгожванне. Дзякую ўсім тым, хто ахвяраваў кветкі да нашай капліцы.
1. На гэтым тыдні ў літургіі адзначаем:
12 верасня (Чацвер): успамін Найсвяцейшага Імя Панны Марыі.
Імяніны Божай Маці, у гэты дзень праслаўляем Яе імя «Марыя» Miriam, якое, паводле традыцыі, Яна атрымала на чацвёрты дзень пасля свайго нараджэння. Гэтае імя ад пачатку хрысціянства з вялікай пашанай вымаўлялася побач з іменем Езуса. Імя Марыі заклікалі, просячы Яе аб дапамозе і заступніцтве. Имя яе азначае "прыгажосць" і "цудоўнасць" у сірыйскай мове азначае"Пані " а таксама" заступніца.
Урачыстасць тытулу архікатэдры
13 верасня (Пятніца): успамін Святога Яна Хрызастома, што ў перакладзе з грэцкай мовы азначае «Залатавусны», біскупа і доктара Касцёла.
У 397 г. Ян становіцца патрыярхам Канстанцінопаля. Ён адважна выкрывае заганы і празмерную раскошу, што пануюць пры імператарскім двары, і заклікае моцных гэтага свету да сціпласці.
14 верасня (Субота): СВЯТА УЗВЫШЭННЯ СВЯТОГА КРЫЖА.
Цэнтральнымі тэмамі літургіі свята Узвышэння Крыжа з’яўляюцца смерць Хрыста на крыжы і адкупленне, якое на ім здейснілася. На крыж неабходна глядзець праз прызму ўваскрашэння. Крыж не з’яўляецца самадастатковаю мэтаю, а шляхам, які вядзе да ўваскрашэння, гэта значыць — да паўнаты жыцця ў Богу. Крыж - знак збаўлення для ўсіх, хто ў прастаце сэрца паверыць у Божую любоў і такі спосаб збаўлення чалавека і ў гэтым святле абсалютна іншае значэнне набываюць усе штодзённыя крыжы чалавека.
З нагоды года веры, які яшчэ працягваецца ў гэты дзень ёсць магчымасць атрымаць адпуст. Трэба будучы ў стане асвячальнай ласкі, прыняць у гэты дзень Святую Камунію і памаліца ў інтэнцыі святога Айца і паўсюднага Касцёла. Урачыстаць на Кальварыі.
2. 15 верасня пасля св.Імшы на 12 гадзін у парафіі св.Яна Евангеліста і св.Максімільяна Марыі Кольбэ адбудзецца практычны семінар «Азбука дыялогу».
Падчас семінару вы зможаце:
• пазнаёміцца з сябрамі і ворагамі эфектыўнага дыялогу;
• даведацца аб правілах вядзення размовы;
• асабіста ажыццявіць фігуры вышэйшага пілатажу камунікавання;
• атрымаць адказы на пытанні, якія вас цікавяць.
• Семінар праводзіць псіхолаг-кансультант Наталля Станкевіч.
3. Распачынаем запісы да новага – другога кола жывога ружанца. (запісы ў закрыстыі.) Таварыства Жывога Ружанца было заснаванае Палінай Жарыко ў Францыі ў 1826 годзе.
Жывы Ружанец — гэта супольнасць людзей, у склад якой уваходзіць не менш за 20 чалавек, якія штодзённа на працягу месяца моляцца Ружанец: кожная асоба чытае адну таямніцу. Гэтыя супольнасці часта называюць «Ружамі». Кожны з членаў групы павінен адмаўляць адну таямніцу, такім чынам, усе разам штодзённа моляцца ўвесь Ружанец. Непрачытаная таямніца — гэта не грэх, а страта заслугі. Мэта Таварыства Жывога Ружанца, паводле заснавальніцы, — падтрымка праз малітву, духоўную і матэрыяльную ахвяру місійнай дзейнасці Касцёла.
4. Запрашаю таксама хлопцаў, якія ўжо былі ў Першай св. Камуніі і жадалі бы больш ахвярна служыць Богу праз сваю службу пры алтары Пана. Запісы да міністранскай групы таксама ў закрыстыі. Сустрэчы будуць праходзіць па пятніцах, а 18 гадзіне ў капліцы.
5. На жаль, вельмі мала дзетак запісалася да катэхезы. Звяртаюся асаблівым чынам да бацькоў, каб больш паважна і адказна падыходзілі да рэлігійнага выхавання свайго ўласнага дзіцяці.
6. Да набыцця ёсць новы нумар “Авэ Марыя”
Там здойдзецце наступныя артыкулы:
• Любоўю здабываць сяброў – рэцэпт святасці ад Яна Боска
• Школа малітвы – калі надыходзяць праблемы
• Пяцьдзясят памочнікаў у нязгодах (Арханёл Міхал – не дазволь цалкам запанаваць чалавечаму
• Для каго прыйшоў Езус?
• І іншыя