Дарагія парафіяне, шаноўныя госці!
Шчыра дзякуем за супольную малітву, за складзеныя ахвяраванні, якія сёння прызначаюцца на патрэбы Міждыяцэзіяльнай вышэйшай духоўнай семінарыі ў Гродне. Дзякуем за ўсялякую аказаную дапамогу і служэнне, асабліва тым, хто дапамагаў падчас суботніка. Таксама шчыра дзякуем за ахвяраванні, складзеныя на будову касцёла. Няхай вас Добры Бог узнагародзіць сваім благаслаўленнем і напаўняе вашыя сэрцы патрэбнымі ласкамі.
На гэтым тыдні ў літургіі Касцёла:
24 лістапада (панядзелак) — успамін св. Андрэя Зунг Лака, прэзбітэра, і паплечнікаў, мучанікаў.
25 лістапада (аўторак) — успамін бл. сястры Францішкі Сядлецкай, заснавальніцы кангрэгацыі сясцёр назарэтанак.
Нашыя сёстры сардэчна запрашаюць усiх далучыцца да супольнай малітвы падзякі на Святой Імшы а 7:00.
1. Месяц лістапад асаблівым чынам прысвечаны малітоўнай памяці пра нашых продкаў, якія апярэдзілі нас у шляху да вечнасці. Кожную сераду і пятніцу на працягу ўсяго лістапада будзем маліцца за нашых памерлых у выпамінковым набажэнстве.
2. Кожны аўторак у капліцы адбываецца набажэнства праз заступніцтва святога Антонія Падуанскага — інтэнцыі на складковую Святую Імшу можна запісаць у сшытку.
3. Ёсць новы нумар часопіса “Ave Maria” — запрашаем да чытання каталіцкай прэсы. Запрашаем таксама набываць календары на новы 2026 год.
4. Сёння можна атрымаць поўны адпуст за прачытанне акта прысвячэння роду людскога Найсвяцейшаму Сэрцу Езуса.
Урачыстасць Хрыста — Валадара сусвету: гэта апошняя нядзеля літургічнага года. Наступная нядзеля, 30 лістапада, — гэта першая нядзеля Адвэнту, якой распачынаем новы літургічны год і падрыхтоўку да ўрачыстасці Божага Нараджэння. Сёння асабліва хочам падзякаваць Пану Богу за нашую манаскую супольнасць — хрыстусоўцаў і прасіць аб новых пакліканнях да Таварыства Хрыстусовага. Дзякуем за Вашыя шчырыя малітвы і віншаванні 😊
Усім юбілятам і імяніннікам надыходзячага тыдня складаем найлепшыя пажаданні здароўя, супакою ў вашых сэрцах і вашых сем’ях, а таксама шматлікіх Божых ласкаў і апекі Марыі, Маці надзеі.
