Шчыра дзякуем за супольную малітву, за прыбіранне капліцы, за складзеныя ахвяраванні і за ўсялякую аказаную дапамогу, за ахвяраванні складзеныя на будову касцёла. Няхай вас Добры Бог узнагародзіць.

1. У кастрычніку запрашаем на ружанцовыя набажэнствы. У будзёныя дні а 18.30, у нядзелю пасля св. Імшы на 18.00.
Адказныя за правядзенне набажэнстваў:
Панядзелак – Маці ў малітве
Аўторак – І Ружа Ружанцовая
Серада – сем’і Суполак Маці Божай END
Чацвер – моладзь
Пятніца – ІІ Ружа Ружанцовая
Субота – ІІІ Ружа Ружанцовая (13.00 – дзеці)

2. Сакрамэнт канфірмацыі ў нашай парафіі адбудзецца 26 лістапада. Дарослыя, якія не прынімалі гэтага сакраманту могуць запісацца ў закрыстыі для падрыхтоўкі. Першае спатканне ў наступную нядзелю 15 кастрычніка пасля Св. Імшы на 13.30 у капліцы.

3. Курс “Альфа” распачнецца 11 кастрычніка ў парафіі св. Роха на Залатой Горцы. Падрабязнасці на дошцы аб’яваў.

4. У суботу 14 кастрычніка ў нашай дзяржаве адзначаецца Дзень маці. З гэтай нагоды хочам ахінуць нашай малітвай усіх маці і падзякаваць Богу і нашым матулям за дар іх жыцця і за ўсе Божыя ласкі.

5. Кожны аўторак у капліцы адбываецца набажэнства праз заступніцтва святога Антонія Падуанскага. Кожную сераду запрашаем на набажэнства да св. Юзафа.

6. Усім Юбілятам і Імяніннікам надыходзячага тыдня складаем найлепшыя пажаданні здароўя, супакою ў вашых сэрцах і вашых сем’ях, а таксама шматлікіх Божых ласкаў.