Шчыра дзякуем вам за супольную малітву, за прыбіранне капліцы, за складзеныя ахвяраванні, за ахвяраванні на будову касцёла і за ўсялякую аказаную дапамогу. Няхай Добры Бог узнагародзіць вашую шчодрасць і дабрыню.
На гэтым тыдні ў літургіі адзначаем:
8 верасня (пятніца): СВЯТА НАРАДЖЭННЕ НПМ
Святкаванне нараджэння Найсвяцейшай Панны Марыі нясе глыбокі тэалагічны змест. Нараджэнне Марыі было непасрэдным прадказаннем надыходу Збавіцеля. Айцы Касцёла казалі, што Марыя папярэднічае прыходу Месіі, таксама як і прыход світання абяцае поўны бляску дзень.
Гэта свята нагадвае нам аб тым, што Марыя была звычайным чалавекам. Хоць яна і захоўвалася ад заразы граху, аднак праз усё жыццё мела вольную волю і не была нічым абмежавана. Як і кожны з нас, яна мела бацькоў, цешылася, дапамагала ім ва ўсіх справах, а таксама мела сяброў і родных. Аднак яе давер, паслухмянасць і поўны свядомасці адказ Богу «так» учынілі, што словы з гімна Magnificat «хваліць яе будуць усе пакаленні» актуальныя і сёння.
1. Нагадваем, што з 1 верасня зменіўся расклад набажэнстваў:
СВЯТАЯ ІМША Ў НЯДЗЕЛЮ: 9.00, 10.30, 12.00, 13.30, 18.00
у суботу: 8.00 і 19.00
у будні: 7.00 і 19.00
2. Просім дзяцей і бацькоў пазнаёміцца з раскладам катэхезы на 2023/2024 навучальны год. У закрыстыі можна запісаць дзяцей на катэхезу. Пачатак заняткаў 11 верасня 2023 г.
3. Запрашаем новых кандыдатаў да літургічнай службы алтара.
4. Запрашаем новых кандыдатаў у дзіцячы і моладзевы музычны гурт нашай парафіі, а таксама ў парафіяльны хор і польскі хор «BARKA».
5. Запрашаем усіх зацікаўленых далучыцца да каталіцкіх скаўтаў.
6. Запрашаем у польскую школу нашай парафіі Яна Паўла ІІ.
7. У выдавецтве «Pro Christo» пабачылі свет выданні з матэрыяламі і тэкстамі для набажэнстваў, якія ў адпаведнасці з распараджэннем Мітрапаліта Мінска-Магілёўскага арцыбіскупа Юзафа Станеўскага павінны праводзіцца ў кожнай парафіі нашай архідыяцэзіі ў межах Года падзякі Маці Божай і падрыхтоўкі да прысвячэння Мінска-Магілёўскай архідыяцэзіі Найсвяцейшаму Сэрцу Езуса. Гэтыя новыя выданні можна набыць у нашай парафіі.
8. Сёння пасля Святой Імшы збіраем ахвяраванні на патрэбы Міждыяцэзіальнай вышэйшай духоўнай семінарыі ў Гродна.
9. 4 верасня успамін благаслаўлёнай Марыі Стэлы і паплечніц, паннаў і мучаніц з Навагрудка, асабліва молімся за Кангрэгацыю Сёстёр Найсвяцейшай Сям’і з Назарэта аб Божым благаслаўленні і новых пакліканнях.
10. Кожны аўторак у капліцы а 18.45 гадзіне адбываецца набажэнства праз заступніцтва святога Антонія Падуанскага. Кожную сераду запрашаем на набажэнства да св. Юзафа
11. Усім Юбілятам і Імяніннікам надыходзячага тыдня складаем найлепшыя пажаданні здароўя, супакою ў вашых сэрцах і вашых сем’ях, а таксама шматлікіх Божых ласкаў.
