Шчыра дзякуем вам за супольную малітву, за прыбіранне капліцы, за складзеныя ахвяраванні, за ахвяраванні на будову касцёла і за ўсялякую аказаную дапамогу. Няхай Добры Бог узнагародзіць вашую шчодрасць і дабрыню.

1. У нашай капліцы ў часе посту адбываюцца пакутныя набажэнствы: Крыжовы шлях – у пятніцу а 10.30 і а 19.00; Песні Жальбы – у нядзелю ў 8.40 і ў 11.45. Крыжовы шлях для дзяцей у суботу а 13.00.
2. Дзякуем за ахвяраванні на CARITAS, было сабрана 995р.
3. Набліжаеца час Велікодных святаў і наступная нядзеля – гэта Пальмовая нядзеля, якой распачынаем Вялікі тыдзень. У дзень успаміну ўваходу Хрыста ў Ерузалем і мы прыходзім у святыню з галінкамі вярбы. Асвячэнне вербаў адбудзецца на кожнай Святой Імшы. Нашыя парафіяне падрыхтавалі прыгожыя вербы, і набыць іх можна будзе перад капліцаю непасрэдна перад Святой Імшой у Пальмовую Нядзелю. Заахвочваем вас набываць вербы менавіта ў парафіі, каб такім чынам падтрымаць справу будовы нашага касцёла.
Таксама ў наступную нядзелю ў нашай парафіі адбудзецца велікодны КІРМАШ, будзе магчымасць набыць розныя вырабы, якія зрабілі сваімі рукамі нашыя парафіяне, печыва, адбудуцца конкурсы для дзяцей і латарэя.
4. Можна складаць ахвяраванні на кветкі да Гробу Пана да спецыяльнай скарбонкі.
5. У наступную нядзелю зборы ахвяраванняў прызначаюцца на патрэбы духоўнай семінарыі.
6. На канікулах у дзяцей і моладзі катэхезы не будзе.

Усім Юбілятам і Імяніннікам надыходзячага тыдня складаем найлепшыя пажаданні здароўя, супакою ў вашых сэрцах і вашых сем’ях, а таксама шматлікіх Божых ласкаў.