Шчыра дзякуем вам за супольную малітву, за прыбіранне капліцы, за складзеныя ахвяраванні, за ахвяраванні на будову касцёла і за ўсялякую аказаную дапамогу. Няхай Добры Бог узнагародзіць вашую шчодрасць і дабрыню.

1. У нашай капліцы ў часе посту адбываюцца пакутныя набажэнствы: Крыжовы шлях — у пятніцу а 10.30 і а 19.00; Песні Жальбы — у нядзелю перад Св. Імшой на 9.00 (у 8.40) і перад Св. Імшой на 12.00 (у 11.45). Крыжовы шлях для дзяцей у суботу а 13.00. Падчас посту ў пятніцу Святая Імша а 7.00 і пасля Крыжовага шляху на 10.30.

2. Велікапосныя рэкалекцыі ў нашай парафіі пройдуць 10-12 сакавіка, іх будзе праводзіць а. Павел Раманчук OFMConv, пробашч парафіі св. Арханёла Міхала ў Івянцы.

3. Нагадваем, што кожны дзень а 18.00 у капліцы адбываецца выстаўленне Найсвяцейшага Сакрамэнта для адарацыі. У гэтым часе ёсць магчымасць прыступіць да споведзі.
4. Па ініцыятыве каталіцкіх біскупаў нашай краіны ў Другую нядзелю Вялікага посту, якая прыпадае на 5 сакавіка, у Касцёле на Беларусі пройдзе збор ахвяраванняў для дапамогі пацярпелым ад землятрусу ў Турцыі і Сірыі.

На гэтым тыдні прыпадаюць:
Першы чацвер месяца — дзень малітваў аб пакліканнях да службы Божай.
Першая пятніца месяца — дзень малітваў да Сэрца Пана Езуса.
Запрашаем на ўсяночную адарацыю ў інтэнцыі абароны жыцця і сям'і. Адарацыя пачнецца пасля Крыжовага Шляху на 19.00 і працягнецца да 8-й гадзіны раніцы.
Першая субота месяца — дзень малітваў да Найсвяцейшай Панны Марыі.
Першая нядзеля месяца — у 13.30 Святая Імша ў інтэнцыі Жывога Ружанца.

Усім Юбілятам і Імяніннікам надыходзячага тыдня складаем найлепшыя пажаданні здароўя, супакою ў вашых сэрцах і вашых сем’ях, а таксама шматлікіх Божых ласкаў.