1. Ад усяго сэрца дзякуем усім вам за супольную і складзеныя ахвяраванні. Асаблівыя словы падзякі кіруем да тых, хто ў сераду прыняў удзел у прыбіранні тэрыторыі побач з капліцай. Няхай Добры Бог вам благаславіць і вас узнагароджвае.

2. На гэтым тыдні ў літургіі адзначаем:

 12 лістапада (панядзелак): Успамін Святога Язафата, біскупа і мучаніка.

Святы Язафат Кунцэвіч нарадзіўся ва Ўладзіміры–Валынскім каля 1580 года. На дваццатым годзе жыцця ён уступіў у Закон базыльянаў. У 1618 годзе стаў полацкім уніяцкім архібіскупам і самаахвярна працаваў над пашырэннем веры каталіцкага Касцёла. Аддаў жыццё за веру 12 лістапада 1623 года ў Віцебску. Астанкі знаходзяцца ў базыліцы святога Пятра ў Рыме.

 16 лістапада (пятніца): Успамін Найсвяцейшай Панны Марыі, Маці Міласэрнасці (Маці Божай Вострабрамскай).

Віленскі біскуп Войцех Табар ( 1507) прымацаваў над так званай Вострай Брамай у Вільні абраз Маці Божай. Калі абраз пачаў славіцца цудамі, над брамай пабудавалі капліцу, а абраз укаранавалі. Святы Пій X дазволіў спецыяльную Святую Імшу для ўшанавання Найсвяцейшай Марыі Панны, Маці Міласэрнасці.

 17 лістапада (субота): Успамін Святой Альжбеты Венгерскай, законніцы.

Святая Альжбета, дачка караля Венгрыі, маючы 14 гадоў, выйшла замуж за ландграфа Цюрынгіі Людвіга IV. Нарадзіла траіх дзяцей. Неўзабаве, у час крыжовага паходу, муж памёр. Альжбета, пакінуўшы Вартбург, пасялілася ў Марбургу, дзе заснавала шпіталь. Пад уплывам строгага духоўнага кіраўніка ў 1228 годзе дала абяцанне адрачыся ад свету і прыняла тэрцыярскі хабіт святога Францішка. Апошнія гады правяла ў надзвычайным адрачэнні і ўбостве, даглядаючы хворых і бедных. Памерла ад знясілення 17 лістапада 1231 года. Праз 4 гады яе кананізаваў Папа Рыгор IX. Яна зяўляецца заступніцай трэцяга Закону святога Францішка. Ад яе імені ўзяло назву некалькі жаночых згуртаванняў і іншых каталіцкіх аб’яднанняў.

3. У кожную сераду і пятніцу напрацягу ўсяго лістапада перад вячэрняй Святой Імшой адбываецца набажэнства за памерлых: у 18.30 – Нешпары, выпамінкі, Вяночак да Божай Міласэрнасці і Святая Імша складковая за памерлых.

4. Кожны аўторак у капліцы адбываецца набажэнства праз заступніцтва святога Антонія Падуанскага. Свае просьбы і словы падзякі можна ўпісваць у сшытак з просьбамі да святога Антонія і ў гэтых інтэнцыях будзе адпраўлена святая Імша ў 19.00.