Вітаем
Партрэт па панядзелках: Таццяна Мазун
Сёння з намі Таццяна Мазун — чалавек неверагоднага лёсу, хрысціянка з адкрытым сэрцам, якая шукае Пана Бога ў сваім жыцці. Творчая, глыбокая, вясёлая натура, час ад часу трапляючая ў авантуры.
Асаблівасці сёлетняга святкавання Божага Нараджэння
У сувязі са складанай эпідэміялагічнай сітуацыяй, каб прадухіліць стварэнне натоўпу і забяспечыць сацыяльную адлегласць паміж вернікамі падчас святочных набажэнстваў, было вырашана 24-га снежня правесці тры цэлебрацыі Імшы Пастэркі: у 20.00, 21.30 і 23.00 (транслюецца анлайн).
Просьба да парафіянаў вызначыцца, у які час прыняць удзел у святой Імшы, і запісацца ў спецыяльных картках пры выхадзе з капліцы альбо даслаць паведамленне святарам на парафіяльную электронную пошту (Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.).
Завяршыліся парафіяльныя адвэнтавыя рэкалекцыі
11-13 снежня ў парафіі праходзілі адвэнтавыя рэкалекцыі. Праводзіў іх кс. Ян Шарук SAC.
«Гавары са мной па-беларуску»
10 снежня моладзь ДМХ «Адзіныя сэрцам» разам са сваімі душпастырамі зладзілі вечарыну, прысвечаную беларускай паэзіі.
ІIІ Нядзеля Адвэнту 2020
Шчыра дзякуем усім за супольную малітву, за прыбіранне капліцы, за складзеныя ахвяраванні і за ўсялякую аказаную дапамогу. Асабліва дзякуем за ахвяры складзеныя на будову касцёла. Няхай Добры Бог узнагародзіць вашую шчодрасць і дабрыню. Сёння апошні дзень нашых парафіяльных рэкалекцый. Хочам, ад усяго сэрца, шчыра падзякаваць кс. Яну за гэты благаслаўлёны час, гарачае сэрца, якім дзяліўся з намі падчас справавання св. Імшы, паслугі ў канфесіанале і перад усім, падчас скіраванага да нас Божага Слова. Няхай добры Бог, якога прыйсця чакаем, аддзячыць яму за ягоную паслугу.
Як кіраваць караблём свайго жыцця, разважала моладзь падчас фармацыйнага выезду
4-6 снежня ў санктуарыі Маці Божай Каралевы Сем’яў у Тракелях адбыўся чарговы фармацыйны выезд удзельнікаў Душпастырства Моладзі Хрыста «Адзіныя сэрцам»
А хто там ідзе? Ці як святы Мікалай пешшу прыйшоў у нашу парафію, а алені засталіся на карантыне
6 снежня на ранішнюю св. Імшу завітаў святы Мікалай. Наведаўся не адзін, а з анёламі. Праўда, прыйшлося трошкі пачакаць, бо ў сувязі са складанай эпідэміялагічнай сітуацыяй алені трапілі на карантын і святы Мікалай ішоў пешшу. Але ўсё скончылася добра, ніхто не застаўся без салодкага падарунка.
Адвэнтавыя рэкалекцыі ў нашай парафіі пройдуць з 11 па 13 снежня
Расклад:
- 11 снежня (пятніца):
- 6.45 (рараты), 12.00, 19.00 (транслюецца анлайн) - св. Імша з навукай;
- 12 снежня (субота):
- 8.00, 12.00, 19.00 (транслюецца анлайн) - cв. Імша з навукай
- 10.30 - навука для дзяцей
- 17.00 - навука для моладзі
- 13 снежня (нядзеля):
- 9.00, 10.30, 12.00, 13.30, 18.00 (транслюецца анлайн) - cв. Імша з навукай
ІI Нядзеля Адвэнту 2020
Шчыра дзякуем усім за супольную малітву, за прыбіранне капліцы, за складзеныя ахвяраванні і за ўсялякую аказаную дапамогу. Асабліва дзякуем за ахвяры складзеныя на будову касцёла. Няхай Добры Бог узнагародзіць вашую шчодрасць і дабрыню. На гэтым тыдні ў літургіі адзначаем: 8 снежня (аўторак) УРАЧЫСТАСЦЬ БЕЗЗАГАННАГА ЗАЧАЦЦЯ НПМ – абавязковая прысутнасць на літургіі. У гэты дзень, мы праслаўляем таямніцу Беззаганнага Зачацця Багародзіцы, якая Божаю ласкаю была захавана ад першароднага граху, кожны католік мае абавязак прыняць удзел у святой Імшы. Дагмат аб Беззаганным Зачацці Найсвяцейшай Панны Марыі быў абвешчаны папам Піем IX у Апостальскім лісце (буле) Ineffabilis Deus («Невымоўны Бог») ад 8 снежня 1854 г. Святая Імша ў 6.45, 12.00, 19.00.
Партрэт па панядзелках: Віталій Гапановіч
Сёння мы раскажам вам пра чалавека, які ў свае 36 гадоў мае сям`ю, чытае Біблію, з`яўляецца членам брацтва св. Міхала Арханёла, калекцыяніруе матацыклы, разам з братам пашырае тэхнічную спадчыну нашай краіны і стараецца не ўпускаць часам невідавочныя, але важныя моманты жыцця. Знаёмцеся — Віталій Гапановіч.
Дарагія сябры! Просім падтрымаць будаўніцтва нашага касцёла і дзейнасць парафіі. Шчыра дзякуем за дапамогу, молімся за ўсіх ахвярадаўцаў.
