Навіны і аб’явы



Героем гэтага тыдня будзе Дзяніс Чаган. Яму 15 год, ён мае двух братоў і сястрычку, належыць да некалькіх парафіяльных груп, любіць бегаць, займацца спортам і хадзіць па крамах.



Шчыра дзякуем ўсім за супольную малітву, за прыбіранне капліцы на працягу тыдня, за складзеныя ахвяраванні і за ўсялякую аказаную дапамогу. Асабліва дзякуем за ахвяры складзеныя на будову касцёла. Няхай вас Добры Бог узнагародзіць.



У першую нядзелю кастрычніка нас наведалі сястра-ўршулянка Чэслава Навіцкая разам з прадстаўнікамі Эўхарыстычнага руху маладых з суседняй парафіі Беззаганнага Зачацця Найсвяцейшай Панны Марыі, што ў мкр-не Сухарава.



4 кастрычніка ва ўспамін св. Францішка Асізскага Божыя кароўкі нашай парафіі пад кіраўніцтвам шэфа кола – Ангеліны Гуд правялі супольную малітву ў інтэнцыі супакою ва ўсім свеце.



Сёння нас чакае яшчэ адно цікавае знаёмства і адбудзецца яно з нашай парафіянкай Ірынай Лісічкінай. Ірыне 32 гады. Яна і яе сям’я, а менавіта муж Дзмітрый і дачушка Віка, належаць да руху Equipes Notre-Dame (Суполкi Мацi Божай).



Шчыра дзякуем ўсім за супольную малітву, за прыбіранне капліцы, за складзеныя ахвяраванні і за ўсялякую аказаную дапамогу. Асабліва хочам падзякаваць усім удзельнікам нашага парафіяльнага “суботніка”. Дзякуем за ахвяры складзеныя на будову касцёла. Няхай вас Добры Бог узнагародзіць. На гэтым тыдні ў літургіі адзначаем: 7 кастрычніка (панядзелак) Успамін НПМ Ружанцовай У гэты дзень сваё парафіяльнае свята абыходзіць парафія Маці Божай Ружанцовай у Лошыцы.



Блакітны мундур, чырвоныя шапачкі, сем чорных кропачак, дзіўныя нашыўкі на мундурах — што гэта сімвалізуе? Які ў гэтым сэнс? Знайсці адказы на шматлікія пытанні можна ў суботу 26 кастрычніка на дні знаёмства з «Божымі кароўкамі» — адгалінаваннем скаўцкага руху для малодшых дзяўчынак.



Сёння мы пазнаёмім вас не з адной асобай з нашай парафіі, але з дзвума адразу. Чаму? Мы шчаслівыя прадставіць вам гісторыю новай маладой каталіцкай сям’і, якая пачала сваё існаванне 28 верасня 2019 года шлюбам у нашай каплічцы. Гэтае сужэнства ўтварылі двое нашых парафіянаў – Вадзім Бачкоўскі і Вольга Пашкевіч.



Пачынаючы ад 1 кастрычніка ў нашай капліцы будуць ладзіцца ружанцовыя набажэнствы. У звычайныя дні ў 18.30, у нядзелю ў 11:30. У розныя дні адказнымі за правядзенне ружанца будуць наступныя групы і суполкі:

  • Панядзелак – Маці ў малітве
  • Аўторак – навучэнцы гуртка польскай мовы
  • Серада – моладзь
  • Чацвер – сем’і Суполкі Маці Божай END
  • Пятніца – І Ружа Ружанцовая (4.10.19 - дзеці)
  • Субота – ІІ Ружа Ружанцовая 

Дадаткова ружанец для дзяцей у суботу а 17.00.



Шчыра дзякуем ўсім за супольную малітву, за прыбіранне капліцы, за складзеныя ахвяраванні і за ўсялякую аказаную дапамогу. Асабліва дзякуем за ахвяры складзеныя на будову касцёла. Няхай вас Добры Бог узнагародзіць.