Навэнна да Маці Божай з Люрда

Сёння, 2 лютага, распачалі навэнну да Маці Божай з Люрда ў інтэнцыі хворых. Усіх жадаючых запрашаем далучыць да нас.

(штодзённа можна дадаваць уласную інтэнцыю)

Першы дзень 2 лютага

О наша Пані з Люрда, якую мы з вялікім даверам заклікаем як пасрэдніцу ласкаў і міласэрнасці. Выпрасі нам ласкі, патрэбныя для духоўнага і фізічнага аздараўлення.


На кожны дзень навэнны

Міласэрны Божа, прыйдзі на дапамогу нашай слабасці і ўчыні, каб праз заступніцтва Беззаганнай Багародзіцы Твайго Сына, успамін якога мы адзначаем, мы падняліся з нашых грахоў да новага жыцця. Праз Хрыста, Пана нашага. Амэн.

Ойча наш.., Вітай, Марыя.., Хвала Айцу.., Літанія да Маці Божай з Люрда.


Другі дзень 3 лютага

О наша Пані з Люрда, магутнасць Твая настолькі вялікая ў небе, што Ты ніколі не пагарджаеш нашымі просьбамі. Ты, якая багатая на міласэрнасць і сілу, выпрасі нам у свайго Сына ласкі, пра якія мы з даверам просім.


Трэці дзень 4 лютага

О наша Пані з Люрда, Ты паказала сваю любоў да грэшнікаў, даручаючы Бэрнардэце маліцца за іх. Нашыя грахі вядуць да таго, што мы нявартыя наблізіцца да Цябе, але з даверам просім — выпрасі для нас жаль за грахі і ласку шчырай споведзі.


Чацвёрты дзень 5 лютага

О наша Пані з Люрда, мы прыходзім да Цябе, як да Той, якая ніколі і нікому не адмаўляе ў сваёй міласэрнасці. О Марыя, прыйдзі нам на дапамогу і выпрасі для нас чысціню душы і цела.


Пяты дзень 6 лютага

О наша Пані з Люрда, мы дзякуем Табе за клапатлівыя адносіны да нас, бо мы ніколі не перастаем быць Тваімі дзецьмі. Навярні ўсіх грэшнікаў, каб яны паядналіся з Богам і паміж сабою.


Шосты дзень 7 лютага

О наша Пані з Люрда, Ты зносіла ўсё з вялікай цярплівасцю, выпрасі нам мужнасць, патрэбную для вытрымкі ў хваробе і ў духоўных цярпеннях, якія мы хочам ахвяраваць Богу як кампенсацыю за грахі ўсяго свету і ў інтэнцыі святога Касцёла.


Сёмы дзень 8 лютага

О наша Пані з Люрда, Ты сказала Бэрнардэце: «Абяцаю табе шчасце не ў гэтым свеце, але ў іншым». Дазволь нам зразумець вартасць цярпення, якое Ты сама перажыла, стоячы пад крыжам.


Восьмы дзень 9 лютага

О наша Пані з Люрда, Беззаганнае Зачацце, Дзева чыстая і без граху, выпрасі нам ласку чыстасці, каб мы маглі процідзейнічаць усялякім схільнасцям да граху і малітваю супрацьстаяць усім пагрозам, якія нясуць свет, сатана і цела.


Дзевяты дзень 10 лютага

О наша Пані з Люрда, Ты так моцна заахвочвала нас да пакаяння! Выпрасі нам ласку прымаць дабро, якое дае Бог. Учыні, каб мы зразумелі ўсялякае зло граху і яго непрадбачаныя вынікі для нашага зямнога і вечнага жыцця.



Літанія да Майі Божай з Люрда


Кірые, элейсон,
         Хрыстэ, элейсон, Кірые, элейсон.
Хрыстэ, пачуй нас,
         Хрыстэ, выслухай нас.

Ойча з неба, Божа,
         – змілуйся над намі.
Сыне, Адкупіцель свету, Божа,
         – змілуйся над намі.
Духу Святы, Божа,
         – змілуйся над намі.
Святая Тройца, Адзіны Божа,
         – змілуйся над намі.

Найсвяцейшая Панна, якая аб’явілася ў Люрдзе,
         — маліся за нас.
Найсвяцейшая Панна, якая заахвочвала да пакаяння,
         — маліся за нас.
Найсвяцейшая Панна, якая паказала аздараўляльную крыніцу,
         — маліся за нас.
Найсвяцейшая Панна, якая пацвярджала сваё Беззаганнае Зачацце,
         — маліся за нас.
Беззаганная Дачка Бога Айца,
         — маліся за нас.
Беззаганная Маці Божага Сына,
         — маліся за нас.
Беззаганная Абранніца Духа Святога,
         — маліся за нас.
Беззаганная Святыня Найсвяцейшай Тройцы,
         — маліся за нас.
Беззаганнае адлюстраванне Божай Мудрасці,
         — маліся за нас.
Беззаганная Заранка справядлівасці,
         — маліся за нас.
Беззаганны Каўчэг Запавету,
         — маліся за нас.
Беззаганная Дзева, якая струшчыла галаву пякельнаму змею,
         — маліся за нас.
Беззаганная Каралева неба і зямлі,
         — маліся за нас.
Беззаганная скарбніца Божых ласкаў,
         — маліся за нас.
Беззаганны шлях, які вядзе да Езуса,
         — маліся за нас.
Беззаганная Панна, вольная ад першароднага граху,
         — маліся за нас.
Беззаганная брама неба,
         — маліся за нас.
Беззаганная Зорка мора,
         — маліся за нас.
Беззаганная Маці святога Касцёла,
         — маліся за нас.
Беззаганная крыніца ўсялякіх дасканаласцяў,
         — маліся за нас.
Беззаганная прычына нашай радасці,
         — маліся за нас.
Беззаганны ўзор веры,
         — маліся за нас.
Беззаганная крыніца Божай любові,
         — маліся за нас.
Беззаганны знак нашага збаўлення,
         — маліся за нас.
Беззаганнае святло Анёлаў,
         — маліся за нас.
Беззаганная настаўніца апосталаў,
         — маліся за нас.
Беззаганная хвала прарокаў,
         — маліся за нас.
Беззаганная сіла мучанікаў,
         — маліся за нас.
Беззаганная апякунка веравызнаўцаў,
         — маліся за нас.
Беззаганны ўзор дзявочай чысціні,
         — маліся за нас.
Беззаганная радасць тых, хто Табе давярае,
         — маліся за нас.
Беззаганная абарона грэшнікаў,
         — маліся за нас.
Беззаганная знішчальніца ўсялякага зла,
         — маліся за нас.

Баранку Божы, які бярэш на сябе грахі свету,
         – даруй нам, Пане.
Баранку Божы, які бярэш на сябе грахі свету,
         – выслухай нас, Пане.
Баранку Божы, які бярэш на сябе грахі свету,
         – змілуйся над намі.


О Марыя, без граху першароднага зачатая, маліся за нас, хто ў Цябе паратунку шукае!

Молімся.

Найсвяцейшая Маці, Ты праславілася ў Люрдзе вялікімі ласкамі і дабрынёю, пра якія столькі разоў сведчыла ў гэтым выбраным месцы. Пакорна просім Цябе, выпрасі нам усе цноты для нашага асвячэння, а таксама поўнае здароўе душы і цела і дапамажы, каб мы яго выкарыстоўвалі на хвалу Бога, для дабра бліжніх і збаўлення душы. Амэн.


AddThis Social Bookmark Button